Memlekettik kirister komıtetiniń tóraǵasy «Baqty» jáne «Alakól» ótkizý pýnktterine bardy
ASTANA. KAZINFORM – Memlekettik kirister komıtetiniń tóraǵasy Jandos Dúısembıev jumys sapary sheńberinde Qazaqstan-Qytaı shekarasyndaǵy negizgi «Baqty» men «Alakól» kedendik ótkizý pýnktin jańǵyrtý barysymen tanysty.
Komıtet málimetinshe, «Baqty» ótkizý pýnktinde EAEO syrtqy shekarasyn jańǵyrtý jobasy sheńberinde aýqymdy qurylys jáne tehnıkalyq jumystar jalǵasyp jatyr. Belsendi rekonstrýktsııaǵa qaramastan, obekt júkter men jolaýshylardyń úzdiksiz qozǵalysyn qamtamasyz ete otyryp, shtattyq rejımde jumys isteıdi.
Qozǵalys jolaqtaryn keńeıtý, qazirgi zamanǵy ınspektsııalyq-tekserý keshenderin montajdaý, avtomatty tarazylar men tsıfrlyq baqylaý júıelerin ornatý boıynsha jumystar júrgizilip jatyr.
MKK tóraǵasy barlyq qurylys jáne montajdaý jumystarynyń aıaqtalýyn jedeldetýdi, keden mańyndaǵy ınfraqurylymǵa rásimderdi shyǵarý esebinen shekarada baqylaýdy barynsha azaıtýdy tapsyrdy.
«Alakól»: tsıfrlandyrý múmkindigi
«Alakól» ótkizý pýnktinde rekonstrýktsııalaý aıaqtaldy jáne 2025 jylǵy 12 mamyrdan bastap ol tolyq kólemde jumys isteıdi.
- jyldam skanerleýdiń jete tekserý keshenderi;
- avtomatty salmaq gabarıtti ólshegishter;
- nómir belgilerin taný júıeleri;
- logıstıkalyq baqylaýdyń ıntegratsııalanǵan júıesi engizildi.
Jolaq sany 2-den 6-ǵa deıin ulǵaıtyldy, bul shekaradan ótý ýaqytyn 1-2 saǵattan 30 mınýtqa deıin qysqartýǵa múmkindik berdi.
Jyl sońyna deıin shekaradan ótýdiń ortasha ýaqyty 10-15 mınýtqa deıin jetkizilsin. Negizgi aktsent — tsıfrlandyrý jáne qaǵaz rásimderinen tolyq bas tartý. Inspektsııa qorytyndysy boıynsha Jandos Dúısembıev osyndaı tapsyrma berdi.
9 ótkizý pýnkti basymdyqta
Ulttyq jańǵyrtý jobasy sheńberinde 9 avtomobıl ótkizý pýnktin tehnıkalyq qaıta jaraqtandyrý jumysy júrgizilip jatyr.
Búginde 4-eýiniń jumysy aıaqtaldy: «Qaljat» jáne «Alakól» (QHR-men shekarada), «Qaplanbek» jáne «Atameken» (Ózbekstanmen shekarada).
2025 jyldyń sońyna deıin taǵy 5 ótkizý pýnktin jańǵyrtýdy aıaqtaý josparlanyp otyr: «Qazyǵurt», «Tájen», «Temir baba», «Maıqapshaǵaı» jáne «Baqty».
Jańǵyrtýdyń maqsaty – azamattardyń, bıznestiń múddesi jáne eldiń syrtqy ekonomıkalyq turaqtylyǵy úshin úzdik halyqaralyq standarttarǵa saı keletin qazirgi zamanǵy, tehnologııalyq jáne joǵary tıimdi ótkizý pýnktterin qurý.
Aıta keteıik, Qazaqstanda 2030 jylǵa deıin 37 ótkizý pýnkti jańǵyrtylady.