Memlekettik kirister komıteti jalǵan habarlamalar jóninde eskertti

ALMATY. KAZINFORM – Almaty qalasy boıynsha Memlekettik kirister komıteti áleýmettik jelide salyqtardy tóleý týraly taraǵan jalǵan habarlamaǵa senbeýge shaqyrdy.

Almaty qalasy boıynsha Memlekettik kirister departamentiniń málimetine sáıkes, adamdardyń elektrondy poshtalaryna salyq, aıyppul tóleý týraly jalǵan talaptar taratylǵan. Departament salyqqa baılanysty habarlamalar elektrondy poshtaǵa jiberilmeıtinin habarlap, jalǵan aqparatqa senbeýge shaqyrdy.

«Almaty qalasy boıynsha Memlekettik kirister departamentine salyqtardy, alymdardy, ósimpuldar men aıyppuldardy tóleý týraly jalǵan talaptardyń taratylyp jatqanyna salyq tóleýshiler shaǵymdandy. Bul habarlamalar salyq tóleýshilerdiń elektrondyq mekenjaılaryna jiberilgen. Departament salyqtyq habarlamalar salyq tóleýshilerge jeke qol qoıý arqyly beriletinin nemese salyq tóleýshiniń kabınetine elektrondy túrde jetkiziletinin habarlaıdy. Mundaı habarlandyrýlardy elektrondyq poshta arqyly jiberý qarastyrylmaǵan. Tıisinshe, Departamenttiń salyq tóleýshilerdiń elektrondy mekenjaılaryna jiberilgen mundaı habarlamalarǵa esh qatysy joq», – dep málimdeıdi Memlekettik kirister departamentinen.

Turǵyndar salyq mindettemeleriniń bar-joǵy týraly aqparatty salyq tóleýshiniń saıtyndaǵy jeke kabınetinen qaraı alady.