Memlekettik kirister komıteti salyq tóleýshilerge mańyzdy habarlama jasady

ASTANA. KAZINFORM — 6 maýsymda «Elektrondyq shot-faktýralar» aqparattyq júıesinde tehnıkalyq jumystar josparlanǵan, dep habarlaıdy Memlekettik kirister komıtetiniń baspasóz qyzmeti.

— QR QM Memlekettik kirister komıteti 2025 jylǵy 6 maýsymda saǵat 00:00–den 10:00–ge deıin «Elektrondyq shot-faktýralar» aqparattyq júıesinde, júıeni jańartý jáne ońtaılandyrý boıynsha tehnıkalyq jumystar josparlanǵanyn habarlaıdy. Kórsetilgen ýaqyt aralyǵynda «Elektrondyq shot-faktýralar» aqparattyq júıesi qoljetimdi bolmaıdy. Keltirilgen qolaısyzdyqtar úshin keshirim suraımyz! — delingen habarlamada.

Bul rette, qajet bolǵan jaǵdaıda salyq tóleýshiler TІJ, EShF rásimdeýge jáne «EShF» AJ engizýge quqyly ekenin eske salamyz:

— 2025 jylǵy 6 maýsymnan bastap kúntizbelik 15 (on bes) kún ishinde qaǵaz tasyǵyshta jazyp berilgen shot-faktýra;

— 2025 jylǵy 9 maýsymnan bastap 3 (úsh) jumys kúni ishinde qaǵaz jetkizgishte jazylǵan taýarlarǵa ilespe júkqujat.

Komıtet atap ótkendeı, bul rette aıyppul sanktsııalary qoldanylmaıdy.

Osyǵan deıin ChatGPT Qazaqstanda salyq tóleıtini belgili boldy.