Memlekettik kirister komıteti mıkroqarjy uıymdaryndaǵy 55,9 mlrd teńgelik operatsııalardy tekserdi
ASTANA. KAZINFORM – Memlekettik kirister komıteti mıkroqarjy uıymdaryna (MQU) qatysty júrgizilgen tekserý nátıjelerin jarııalady. Tekseris barysynda 4 MQU boıynsha «kepildik» sharttary aıasynda jalpy aınalym 55,9 mlrd teńge bolǵany anyqtaldy. Sonymen qatar tólenbegen qosylǵan qun salyǵynyń (QQS) somasy 6,1 mlrd teńgeni qurady. Bul málimetter apellıatsııalyq tártipte jáne sot organdarymen rastaldy.
Qosymsha tekserýler barysynda shamamen 26 mlrd teńge kólemindegi operatsııalar anyqtaldy. Bul operatsııalar saqtandyrý agenttik qyzmeti sheńberinde júrgizilgen jáne QQS-tan bosatylǵan retinde kórsetilgen. Qazirgi ýaqytta olar tekserý satysynda tur.
Mıkroqarjy uıymdary tek qaryz berý qyzmetteri boıynsha ǵana QQS-tan bosatylady. ıAǵnı, aqsha berý qyzmeti salyq salýdan bosatylǵan. Al qosymsha aqyly qyzmetter QQS-qa jatady. Tekserý nátıjeleri kórsetkendeı, keıbir jaǵdaılarda tabystyń bir bóligi formaldy túrde salyqtan bosatylatyn shema arqyly jasyrylǵan.
Bul shema boıynsha mıkroqaryz rásimdelgen kezde qaryz alýshyǵa qosymsha «kepildik» sharty usynylady. Formaldy túrde bul qyzmet mindettemelerdi qamtamasyz etýge arnalǵan qarjylyq operatsııa retinde kórsetiledi. Alaıda taldaý nátıjesinde mundaı sharttardyń jaýapkershiligi shekteýli jáne olardyń merzimi qaryz boıynsha tólemdi keıinge qaldyrý kezeńimen sáıkes keletini anyqtaldy.
Naqty jaǵdaıda bul «kepildik» emes, mindettemelerdi oryndaý merzimin uzartý qyzmeti sanalady. Qaryz alýshy bul qyzmet úshin tólem jasaǵan, al alynǵan qarajat QQS-tan bosatylǵan operatsııa retinde kórsetilgen.
Júrgizilgen tekserýler formaldy túrde bólek sharttar qoldanylǵanymen, ekonomıkalyq máni boıynsha bul birtutas aqyly qyzmet ekenin kórsetti. Osyndaı shemalar salyqtan bosatylǵan retinde qate kórsetilgen úlken aınalymdy qalyptastyrýǵa múmkindik bergen.
Memlekettik kirister komıtetiniń tekserýleri operatsııalardyń naqty ekonomıkalyq mánine negizdelgen durys salyq salýdy qamtamasyz etýge jáne salyqtan jaltarý maqsatyndaǵy formaldy shemalardy boldyrmaýǵa baǵyttalǵan.
Anyqtalǵandaı, bul tásilder tek jeke jaǵdaılarda ǵana emes, mıkroqarjy uıymdarynyń basqa qyzmet salalarynda da qoldanylady. Mysaly, saqtandyrý agenttik qyzmetinde de uqsas model anyqtaldy, munda quqyqtyq nysan ózgeshe bolǵanymen, ekonomıkalyq máni uqsas.
Qazirgi ýaqytta osy baǵyttaǵy tekserýler jalǵasýda. Tekserý qorytyndylary boıynsha salyqtyq sharalar qabyldanady.
Budan buryn básekelestik erejesin buzǵan mıkroqarjy uıymyna shara qoldanylǵanyn jazǵanbyz.
