Memlekettik kirister komıteti qazaqstandyqtardy alaıaqtardan saq bolýǵa shaqyrdy
ASTANA. KAZINFORM – Memlekettik kirister komıteti sońǵy ýaqytta ózin komıtet qyzmetkeri retinde tanystyryp, azamattarǵa telefon shalatyn alaıaqtardyń kóbeıgenin eskertti.
Vedomstvo málimetinshe, belgisiz tulǵalar salyq tóleýshilerge habarlasyp, qyzmet túrin shuǵyl rastaý, tirkeý derekterin jańartý nemese mobıldi qosymsha arqyly mindetti rastaýdan ótý qajet ekenin aıtady.
Osy syltaýmen olar azamattardy túrli qosymshalardy júkteýge, kúmándi siltemelerge ótýge, avtorızatsııadan ótýge, SMS-kodtardy, elektrondy tsıfrlyq qoltańba derekterin jáne basqa da jeke málimetterdi engizýge kóndiredi.
– Alaıaqtar «qyzmetti ár eki jyl saıyn rastaý qajet» degen jeleýmen e-Salyq nemese basqa qosymshalardy júkteýdi talap etip, talap oryndalmaǵan jaǵdaıda qyzmet toqtatylatynyn aıtýy múmkin. Bul aqparat shyndyqqa sáıkes kelmeıdi jáne alaıaqtyq shema bolyp tabylady, – dep eskertti Memlekettik kirister komıteti.
Komıtet telefon arqyly mobıldi qosymshalardy júkteýdi, rastaý kodtaryn, bank kartalarynyń derekterin, ETsQ kiltterin, parolderdi berýdi nemese bógde siltemelerge ótýdi talap etpeıtinin atap ótti.
Vedomstvo azamattardy saq bolýǵa jáne aqparatty tek resmı derekkózder arqyly tekserýge shaqyrdy.
Aıta keteıik, ІІM droperlik áreketterge qatysty turǵyndarǵa eskertý jasady.
