Memlekettik kirister komıteti basshysynyń ókilettigi naqtylandy
ASTANA. KAZINFORM – Qarjy mınıstrliginiń Memlekettik kirister komıteti týraly erejege ózgertýler men tolyqtyrýlar engizildi.
Jańa ózgeristerge sáıkes, komıtet basshysy eger zańnamada ózgeshe tártip kózdelmese Qarjy mınıstri tarapynan laýazymǵa taǵaıyndalyp, qyzmetten bosatylady.
Komıtet basshysy óziniń orynbasarlarynyń, qurylymdyq bólimsheler basshylarynyń, sondaı-aq Astana, oblystar jáne respýblıkalyq mańyzy bar qalalar boıynsha memlekettik kirister departamentteri basshylarynyń mindetteri men ókilettikterin aıqyndaıdy.
Sonymen qatar komıtet basshysy zańnamaǵa sáıkes birqatar laýazymdy tulǵalardy taǵaıyndaý jáne qyzmetten bosatý jónindegi ókilettikke ıe.
Atap aıtqanda, onyń quzyretine komıtet basshysynyń orynbasarlaryn, memlekettik qyzmetshilerdi, óńirlerdegi memlekettik kirister departamentteriniń basshylaryn, Bas dıspetcherlik basqarma basshysyn, mamandandyrylǵan memlekettik mekeme basshysyn jáne komıtet qaramaǵyndaǵy uıym basshysyn taǵaıyndaý men qyzmetten bosatý kiredi.
Budan bólek, komıtet basshysy óz quzyreti sheginde qyzmetkerlerge issapar jáne eńbek demalysyn berý, materıaldyq kómek kórsetý, daıarlaý jáne qaıta daıarlaý, biliktiligin arttyrý, kótermeleý máselelerin sheshedi. Sondaı-aq qyzmetkerlerge ústemeaqy men syıaqy tóleý máselelerin qaraıdy.
Buǵan deıin Memleket basshysy Qasym-Jomart Toqaev memlekettik arhıvterge «Ulttyq» mártebe berý qaǵıdalaryna ózgertý engizetin Jarlyqqa qol qoıǵanyn jazǵan edik.
