Memlekettik kirister basqarmasy múgedektigi bar 48 azamatty salyq tóleýge mindettegen

TALDYQORǴAN. KAZINFORM — Taldyqorǵan prokýratýrasy múgedektigi bar azamattarǵa zańsyz salyq esepteý faktisin anyqtady.

Tekserý barysynda Memlekettik kirister basqarmasy 48 múgedektigi bar azamatqa kólik salyǵyn tóleý týraly habarlama jibergeni belgili boldy.

Alaıda qoldanystaǵy Salyq kodeksine sáıkes, múgedektigi bar tulǵalar kólik salyǵyn tóleýshiler qataryna kirmeıdi.

Prokýrorlyq qadaǵalaý aktisiniń nátıjesinde barlyq esepteýlerdiń kúshi joıyldy.

Nátıjesinde jalpy somasy 1,3 mln teńgeden astam qarajat shottardan alynyp tastalyp, azamattardyń quqyqtary tolyq qalpyna keltirildi.

Aıta keteıik, kásipkerler ımport taýarlardyń qunyn qoldan tómendetip salyqtan jaltarǵan.