Astanada VI Halyqaralyq gastronomııalyq «Astaufest-2025» festıvali ótip jatyr
ASTANA. KAZINFORM - Jumysshy mamandyqtar jyly aıasynda Astanada alǵash ret tehnıkalyq jáne kásiptik uıymdardyń stýdentteri arasynda «Astaufest-2025» VI Halyqaralyq gastronomııalyq festıvali ótip jatyr, dep habarlaıdy QR Oqý-aǵartý mınıstrliginiń baspasóz qyzmeti.
Festıvalge alys-jaqyn shetelderden 45-ten astam oqý orny qatysýda. Úsh kúnge sozylatyn sharaǵa 230-dan astam stýdent, pedagog jáne óndiristik oqytý sheberleri jınalyp, tájirıbe men ıdeıalar almasý alańyna aınaldy. Bolashaq aspazdar álemniń túrli dámderin ázirlep, mádenıetterin tanystyrady.
Aıta keterligi, festıval aıasynda qoǵamdyq tamaqtaný jáne servıs kolledji bazasynda Kondıterlik akademııa ashylady.
«Bul festıval gastronomııa salasynda básekege qabiletti mamandardy daıarlaýǵa, tehnıkalyq jáne kásiptik bilim berýge zamanaýı standarttar men talaptardy engizýge múmkindik beredi. Stýdentter bir-birimen tájirıbe almasyp qana qoımaı, ózderiniń avtorlyq jobalaryn qorǵaıdy, kýlınarlyq gastronomııa salasyndaǵy ınnovatsııalarmen tanysady», – deıdi QR Oqý-aǵartý mınıstrliginiń Tehnıkalyq jáne kásiptik bilim departamentiniń dırektory Áset Muhanbetov.
Qatysýshylardyń kásibı sheberligin Qazaqstanmen qatar, Gonkong, Úndistan, Frantsııa, Túrkııa, Shveıtsarııa, Ózbekstan, Qyrǵyzstan, Reseıden kelgen 13 sarapshy baǵalaıdy.
-«Astaufest-2025» – kásibı mamandar men stýdentter úshin talanttaryn shyńdap, álemdik gastronomııanyń úzdik tájirıbelerin meńgerý úshin tamasha múmkindik,-delingen habarlamada.
Osyǵan deıin Oqý-aǵartý mınıstrligi «Ustazyńdy quttyqta» chellendjin jarııalaǵany týraly jazdyq.