Memlekettik kompanııalar bıýdjetke tóleıtin dıvıdentin tolyq aýdarmaı jatyr
ASTANA. KAZINFORM – Memleketke tıesili aktsııalardan bıýdjetke dıvıdend tóleý jospary 11 aıda 79,3 paıyz oryndalǵan. Bul týraly Qarjy mınıstrliginiń statıstıkalyq bıýlleteninde aıtylǵan.
Jospar boıynsha respýblıkalyq menshiktegi aktsııalardan bıýdjetke 207,7 mlrd teńge dıvıdend túsýi kerek bolǵan. 11 aıdyń qorytyndysynda 164,8 mlrd teńge túsken. Onyń ishinde ulttyq holdıngterden túsken 61,2 mlrd teńge josparda bolmaǵan.
2025 jyly qabyldanǵan jańa Bıýdjet kodeksinde árbir ulttyq kompanııadan bıýdjetke tólenetin dıvıdendterdiń kólemi keminde 50%-70% aralyǵynda bolý kerek dep kórsetilgen. Buryn mundaı eń tómengi shek joq edi.
Soǵan qaramastan 2026-28 jyldarǵa arnalǵan respýblıkalyq bıýdjette memlekettik kompanııalardan túsetin jyl saıynǵy dıvıdendtiń josparly kólemi 2024 jyly tólengen dıvıdendterden eki ese az bekitilgen.