Memlekettik komıssııa energııamen jabdyqtaýdyń senimdiligin arttyrý jónindegi sharalardy qarady
ASTANA. KAZINFORM – Premer-mınıstrdiń birinshi orynbasary Nurlybek Nálibaevtyń tóraǵalyǵymen Qazaqstan Respýblıkasy biryńǵaı elektr energetıkalyq júıesiniń ońtústik aımaǵynda oryn alǵan tehnologııalyq aqaýlardyń sebe,in tergep-tekserý jónindegi memlekettik komıssııanyń kezekti otyrysy ótti. Bul týraly Úkimettiń baspasóz qyzmeti habarlady.
Onda Energetıka mınıstrligi men «KEGOC» AQ kompanııasy birinshi basshylarynyń tehnologııalyq aqaýdyń sebebin tekserý boıynsha júrgizilgen jumystar týraly esebi tyńdaldy.
Energetıkalyq júıeniń turaqty jumysyn jetildirý, memleketaralyq túıisý toraptarynda avarııaǵa qarsy avtomatıkanyń tıimdiligin arttyrý máseleleri qaraldy.
Basty nazar tutynýshylardy energııamen úzdiksiz jabdyqtaýǵa, shekaralas memlekettermen júıearalyq baılanystardy qamtamasyz etýge, Almatydaǵy JEO-2 men JEO-3, «Túrkistan» bý-gaz qondyrǵysy jáne basqa da energetıkalyq nysandardyń manevrlik generatsııasyn damytýǵa aýdaryldy.
Otyrys qorytyndysy boıynsha múddeli memlekettik organdar men uıymdarǵa tehnologııalyq aqaýdy tekserý qorytyndylary boıynsha is-sharalardyń múltiksiz oryndalýyn qamtamasyz etý tapsyryldy.
Aıta keteıik, Energetıka mınıstrligi Qazaqstanda elektr energııasynyń profıtsıti men kórshiles elderden energııany ımporttaýǵa qatysty túsinik berdi.
