Memlekettik qyzmettiń 90 paıyzy tek elektrondy formatta kórsetilýi tıis – Úkimet qaýlysy

ASTANA. KAZINFORM – Úkimet qaýlysymen 2030 jylǵa deıingi Qazaqstanda memlekettik basqarýdy damytý tujyrymdamasyn iske asyrý jónindegi is-qımyl josparyna ózgerister engizildi.

Qujatqa engizilgen ózgeristerge sáıkes, ortalyq jáne jergilikti atqarýshy organdar, sondaı-aq Qazaqstan Prezıdentine esep beretin memlekettik organdar men múddeli uıymdar mindetti:

- Іs-qımyl josparyn oryndaý sharalaryn qabyldaýǵa;

- Jylyna eki ret – 5 shildege jáne 20 jeltoqsanǵa deıin Ulttyq ekonomıka mınıstrligine iske asyrý barysy týraly esep usynýǵa.

- Ulttyq ekonomıka mınıstrligi jıyntyq aqparatty Úkimet apparatyna 25 shildege jáne 5 qańtarǵa deıin beredi.

Sonymen qatar, is-qımyl jospary jańa redaktsııada usynylǵan.

2030 jylǵa deıingi negizgi kútiletin nysanaly kórsetkishter:

- 0,89 – elektrondyq úkimetti damytý ındeksi (BUU ádistemesi boıynsha);

- 20 mınýt – TOP-50 memlekettik qyzmetti kórsetýge arnalǵan shekti merzim, bul rette adamı faktor tolyqtaı alynyp tastalady;

- Memlekettik qyzmetterdiń 90%-y tek elektrondyq formatta kórsetilýi tıis;

- Áleýmettik osal topqa kórsetiletin memlekettik qyzmettiń 50%-y proaktıvti formatta bolýy qajet.

Bıyl shilde de 10 negizgi memlekettik qyzmet onlaın rejımge kóshetini týraly jazǵan edik.