Memlekettik qyzmetterdi alýda bıýrokratııa faktileri áli de bar – Memqyzmet agenttigi
ASTANA. KAZINFORM – Ótken jyly Memlekettik qyzmet isteri agenttigi azamattardan túsken 910 ótinishti qarap, 350-den astam qyzmet alýshynyń quqyǵyn qalpyna keltirdi.
«Memlekettik qyzmetterdi alý kezinde bıýrokratııa faktileri áli de bar. 2023 jyly agenttikpen 910 ótinishti qaraý nátıjesinde 350-den astam qyzmet alýshynyń quqyǵy qalpyna keltirildi. Bul kórsetkish 2022 jylmen salystyrǵanda 80,4 %-ǵa artyq. Azamattardyń onyń ishinde kásipkerler sýbektileriniń quqyǵyn qorǵaý kóbine jer qatynastary, sáýlet, densaýlyq saqtaý jáne halyqty áleýmettik qorǵaý, sondaı-aq menshik quqyǵy salalaryna tıesili», - dedi Memlekettik qyzmet isteri agenttigi tóraǵasynyń orynbasary Salaýat Múksimov Ortalyq kommýnıkatsııalar qyzmeti alańynda ótken baspasóz máslıhatynda.
Agenttik deregine súıensek, kásipkerlerge 1,1 mlrd teńge sýbsıdııa qaıtaryldy. Odan bólek, 100-den astam qyzmet alýshynyń memlekettik aktilerin aýystyrýǵa bıýdjet qarajaty bólindi jáne 60-tan astam azamatqa jer telimderi berildi.
