Memlekettik qyzmetshilerdiń júktemesi 30 paıyzǵa deıin tómendeıdi - Úkimet
ASTANA. KAZINFORM – Jasandy ıntellekt múmkindikteri 2029 jylǵa qaraı vedomstvoaralyq ózara is-qımyl merzimderin eki ese qysqartady. Bul týraly búgin Úkimet otyrysynda QR Premer-mınıstriniń orynbasary – Jasandy ıntellekt jáne tsıfrlyq damý mınıstri Jaslan Mádıev málim etti.
- Memlekettik basqarýdyń platformalyq modeline kóshýdemiz. Jasandy ıntellekt qazirdiń ózinde ótinishterdi óńdeý, hattamalar daıyndaý jáne aýdarma jasaý úshin qoldanylyp keledi. Memlekettik qyzmetshiler AI-quraldaryn óz betinshe ázirleýdi úırenip jatyr. Sýperkompıýterlerdiń esepteý qýattary startaptarǵa, joǵary oqý oryndaryna, memlekettik organdar men kompanııalarǵa qoljetimdi, - dedi J.Mádıev.
Onyń aıtýynsha, Ulttyq jasandy ıntellekt platformasy AI-sheshimderin ázirleýge arnalǵan biryńǵaı orta usynady. Sondaı-aq trenıngterge, derekter jıyntyqtary men úlken tildik modelderge qoljetimdilik ashyldy. Bul óz betinshe bilim alýǵa jáne ekonomıkanyń túrli salalaryna arnalǵan AI-ónimderin ázirleýge múmkindik beredi.
- Osy quraldardy keńinen qoldaný kúndelikti qaıtalanatyn operatsııalardy avtomattandyrýǵa múmkindik beredi. 2029 jylǵa qaraı vedomstvoaralyq ózara is-qımyl merzimderi eki ese qysqaryp, memlekettik qyzmetshilerdiń operatsııalyq júktemesi 30% deńgeıine deıin tómendeýi tıis, - dedi mınıstr.
Buǵan deıin habarlanǵandaı, qalalyq servısterdi basqarý boıynsha Astana tájirıbesi el óńirlerinde engiziledi.
