Memlekettik qyzmetshilerdi zańsyz is-áreketterden qorǵaý qalaı júzege asady
ORAL. KAZINFORM — Memlekettik qyzmet isteri agenttiginiń Batys Qazaqstan oblysy boıynsha departamenti qyzmetiniń negizgi baǵyttarynyń biri azamattar men memlekettik qyzmetshilerdiń quqyqtaryn qorǵaý jáne olardy qalpyna keltirý.
Memlekettik qyzmetshilerdi tártiptik jaýaptylyqqa tartý kezinde olardyń quqyqtaryna beriletin kepildikter belgilengen. Alaıda, derbes memlekettik organdarmen atalǵan kepildikter saqtalmaıdy. Osylaısha, Departamentpen júrgizilgen jumystar nátıjesinde, 2025 jylǵy I-jartyjyldyqta 2 memlekettik qyzmetshige zańnama talaptary saqtalmaı qoldanylǵan tártiptik jazalardyń kúshteri joıylyp, olardyń buzylǵan zańdy quqyqtary qalpyna keltirildi.
Sonymen birge, ótkizilgen jalpy konkýrs nátıjesiniń kúshi joıylyp, kandıdattyń buzylǵan zańdy quqyǵy qalpyna keltirilip, atalǵan konkýrsqa qaıta qatysýǵa múmkindigi berildi.
Osyǵan qosa, eseptik kezeńde memlekettik qyzmetshilerdiń jumys ýaqyty rejıminiń saqtalýyna monıtorıng júrgizildi.
Osylaısha, jekelegen memlekettik organdardyń qyzmetshileri jumys ornynda ústeme jumysqa tartý týraly jumys berýshiniń buıryǵy rásimdelmeı, otyrǵandary anyqtalyp, monıtorıng nátıjesi boıynsha 21 memlekettik qyzmetshiniń quqyqtary qalpyna keltirilip, olarǵa demalys ýaqyty usynyldy.
Budan bólek, «Memlekettik organdardyń qoljetimdilikti baqylaý jáne basqarý» júıelerinetaldaý júrgizý barysynda 132 memlekettik qyzmetshi jumys ýaqyty aıaqtalǵannan keıin jumys oryndarynda bolyp, jumys ýaqyty rejıminiń buzylǵany belgili boldy.
Nátıjesinde, memlekettik qyzmetshilerdiń quqyqtaryn qorǵaý maqsatynda, olarǵa demalys ýaqyttary berildi.
Sondaı-aq, memlekettik qyzmetshilerge Qazaqstan Respýblıkasynyń Úkimeti aıqyndaıtyn tártippen qyzmettik issaparlarǵa, onyń ishinde shet memleketterge issaparǵa barýǵa arnalǵan shyǵystary óteledi.
Osylaısha, Batys Qazaqstan oblysynyń jergilikti atqarýshy organdardyń memlekettik qyzmetshilerine issapar shyǵyndaryn tóleý talaptarynyń saqtalýyna júrgizilgen taldaý nátıjesinde issapar shyǵyndaryn ýaqytyly tólemegen 51 memlekettik qyzmetshige tıisti 9,6 mıllıon teńge kóleminde tólemder júrgizildi.
Sonymen qatar, memlekettik qyzmetshilerge jyl saıynǵy eńbek demalysyna aqy tóleý talaptarynyń saqtalýyna júrgizilgen taldaý nátıjesinde eńbek demalysa aqy tóleý merzimderi buzylǵany úshin tıisti 26 memlekettik qyzmetshige 22 000 myń teńge kóleminde ósimpuldar tólendi.
Bul rette, «Qazaqstan Respýblıkasynyń memlekettik qyzmeti týraly» Zańnyń talabyna sáıkes, memlekettik qyzmetshiler Qazaqstan Respýblıkasynyń Konstıtýtsııasyn jáne zańnamasyn saqtaýǵa mindetti.
Departamentpen atalǵan baǵyttaǵy jumystar ári qaraı óz jalǵasyn tabatyn bolady.