Memlekettik qyzmetshiler juma kúni jumys istemeı, kitap oqýy kerek — depýtat
ASTANA. KAZINFORM — Májilis depýtaty Baqytjan Bazarbek memlekettik qyzmetshilerdiń ózin-ózi damytýyna arnaıy kún bólip, olardy jumys mindettemesinen bosatýdy usyndy.
— Qazir biz áleýmettik jelini kóp paıdalanatyn ultpyz. Biraq oqıtyn ult emespiz. Prezıdent kitap oqý kerektigin qanshama ret aıtty. Sondyqtan, meniń jeke usynysym — bolashaqta osy jańa zań jobasy aıasynda nemese keıinirek aptanyń bir kúnin, mysaly jumany nemese kez kelgen kúndi tolyqtaı aǵartý kúni, shyǵarmashylyq kún retinde belgileý kerek, — dedi Baqytjan Bazarbek Májilistiń jalpy otyrysynda.
Depýtattyń pikirinshe, mundaı tásil sheneýnikterdiń mádenıeti men kásibılik deńgeıin arttyrýǵa kómektesedi.
— ıAǵnı bárin toqtatý kerek: eshqandaı júkteme, tapsyrma, memlekettik qyzmet bolmaýy kerek. Memlekettik qyzmetshilerdi bosatý kerek, kitaphanaǵa baryp, kitap oqysyn, úlgi kórsetsin, sanasyn damytsyn. Makıavellı men Abaıdy oqıtyn memlekettik qyzmetshi sapaly jumys isteı alady, — dedi B. Bazarbek.
Aıta keteıik, Májiliste «QR memlekettik qyzmeti týraly» zań jobasy birinshi oqylymda maquldandy. Memlekettik qyzmetshilerdiń qyzmetine sońǵy túpkilikti baǵany el azamattary berýi kerek.
Sondaı-aq, memlekettik qyzmetshiler eńbekaqysy keminde úsh jylda bir ret mindetti túrde ındeksteledi. Zeınetke shyqqanda 4 jalaqy mólsherinde tólem beriledi.
Oǵan qosa, memlekettik qyzmetshilerdiń tártiptik jaýapkershiligine qatysty kózqaras túbegeıli qaıta qaralyp jatyr.
