Memlekettik qyzmetshiler el damýyna úles qosatyn TOP-5 mamandyq qataryna endi
ASTANA.KAZINFORM — Qazaqstandyq qoǵamdyq damý ınstıtýty júrgizgen saýalnama nátıjesine sáıkes, el damýyna úles qosatyn TOP-5 mamandyq qataryna enetini belgili boldy. Bul reıtıngte olar bilim berý, densaýlyq saqtaý, ǵylym jáne IT salasynyń mamandarymen teń ornalasqan. Bul týraly ınstıtýttyń baspasóz qyzmeti málimdedi.
Zertteý kórsetkendeı, memlekettik qyzmetshiler (45,5%) basqa kásibı toptarǵa qaraǵanda belsendi ómirlik ustanymyn jıirek tanytady. Bul turǵyda olarǵa bıýdjettik uıymdardyń qyzmetkerleri (42,5%) barynsha jaqyn.
Eske sala keteıik, 23 maýsym Qazaqstanda Memlekettik qyzmetshi kúni atalyp ótedi. Memlekettik basqarýdyń tıimdiligi men azamattardyń ómir sapasy osy sala mamandarynyń eńbegine baılanysty.
Sońǵy jyldarda elimizde memlekettik apparatty jańǵyrtýǵa, memlekettik qyzmetshilerdiń derbestigin keńeıtýge, jergilikti ózin-ózi basqarýdy kúsheıtýge arnalǵan birqatar reforma júzege asyrylyp jatyr. Memlekettik qyzmet týraly zańǵa qol qoıyldy, ne ózgeredi?
Myna siltemeden oqyńyz.
