Memlekettik qyzmetshi jaza bassa, jazalaǵan jón be

ASTANA. KAZINFORM – Memlekettik qyzmetshilerdi qate basqany úshin jazalaǵan jón be? Bul saýalǵa QR Memlekettik qyzmet isteri agenttiginiń tóraǵasy Darhan Jazyqbaı Jibek joly telearnasyndaǵy «Ýáde» baǵdarlamasynda jaýap berdi.

«Memlekettik organdarda ádep ýákilderi bar. Biz olardyń ishinde erlik tanytyp, eńbegine adal bolǵandardyń jumysyn nasıhattaımyz. Mysaly, Túrkistan oblysy, Shardara aýdanynda aýyl ákimi sý tasqyny kezinde basyn qaterge tigip adamdardy qutqardy. Sol sııaqty Jambyl oblysy Shý aýdanynda qalyń qar jaýyp, jol jabylǵan kezde aýyl ákimi qar qursaýynda qalǵan 70 adamǵa kómektesti», - dedi Darhan Jazyqbaı efır barysynda. 

Agenttik basshysynyń aıtýynsha, memlekettik qyzmetshi qoǵam aldynda qandaıda bir ádepsiz qylyqtar jasaıtyn bolsa, ol mindetti túrde ashyq jarııalanady. 

«Al oǵan negizsiz, dáıeksiz jala jabylǵan jaǵdaıda biz ony qorǵaımyz. Zań men tártip - barshaǵa ortaq. Memlekettik qyzmet týraly zańda qyzmetshilerdiń jeke basyna, jeke keńistigine kirýge shekteý qoıylmaǵan. Meniń oıymsha, qoǵam memlekettik qyzmetshilerge qatysty ortaq bir túsinikke kelý kerek dep oılaımyn. Osy oraıda biz qazir memlekettik qyzmetshilerdi qorǵaý maqsatynda qandaıda bir normalardy engizý jaǵyn oılastyryp jatyrmyz», - deıdi ol.