Memlekettik qyzmetshi jańajyldyq merekede ózin qalaı ustaýy tıis

QR Prezıdenti Іs basqarmasynyń ádep jónindegi ýákili Gúlnar Chıkınaeva jańajyldyq merekede memlekettik qyzmetshi ózin qalaı ustaýy qajettigin aıtty, dep habarlaıdy Kazinform.

«Biz kúndelikti jumysymyzǵa, syrtqy kelbetimizge, júris-turysymyzǵa basa mán berip, ádep normalaryn saqtaýǵa aıryqsha nazar aýdaramyz ári osy baǵytta jumys júrgizemiz. Merekeler, is-sharalar ótkizýge qatysty aıtar bolsaq, onda, árıne memlekettik qyzmetshiler de qarapaıym adamdar. Memlekettik qyzmetshilerdiń Jańa jyldy dostarynyń ortasynda nemese týǵan-týystarymen qarsy alýyna eshkim de tyıym sala almaıdy. Biraq, olardyń qarapaıym azamattardan bir ereksheligi — memlekettik qyzmetshiler. Sondyqtan olar Ádep kodeksin qatań saqtaýy tıis», — dedi ádep jónindegi ýákil.

Sonymen qatar ol Jańa jylǵa arnalǵan merekelik kóńildi keshterde memlekettik qyzmetshi ózgelerden qandaı da bir jolmen erekshelenbeýi tıistigine basa nazar aýdartty.

«Memlekettik qyzmetke jumysqa turǵanda birden jaýapkershilik alamyz. Bizde belgili bir shekteýler bar. Memlekettik qyzmetshi qandaı da bir is-sharada, tipti qoǵamdyq orynda da ózin dóreki ustamaýy, óreskel qylyq tanytpaýy, órkókirek bolmaýy qajet. Ol sypaıy, ıbaly boly tıis», — dedi Gúlnar Chıkınaeva.