Memlekettik qyzmetke úmitkerlerdi aldyn-ala daıyndaý ınstıtýty engiziledi
ASTANA. KAZINFORM – Sektorda jańa qyzmet túrleri paıda bolmaq. Bul jóninde QR Parlamenti Senatynyń depýtaty Evgenıı Bolgert Senattyń jalpy otyrysynda málimdedi.
– Basty baǵyt – memlekettik qyzmettegi ashyqtyq pen kásibılikti arttyrý. Úmitkerlerdi aldyn-ala daıyndaý ınstıtýty engiziledi. Ol baıqaýdan ótpeı, jumysqa ornalasýǵa múmkindik beredi. Іrikteý «E-qyzmet» júıesi arqyly júrgiziledi. Sonymen birge, kadr qyzmetiniń strategııalyq josparlaý turǵysyndaǵy róli kúsheıtilip jatyr. Budan bólek, zańnamany saqtaý jáne jemqorlyqqa qarsy is-qımyl boıynsha profılaktıkalyq qyzmetter qurylyp jatyr, – dedi ol.
Sondaı-aq, depýtattyń sózinshe, tálimgerlik ınstıtýty nyǵaıtylmaq. Maquldanǵan zańda zeınet jasyna jetken tulǵalardyń qyzmet etý múmkindigin uzartý qarastyrylǵan. Bul aǵa býynnyń keıingi tolqynmen tájirıbesin bólisýine múmkindik beredi.
Aıta keteıik, buǵan deıin QR Parlamenti Senatynyń jalpy otyrysynda «Qazaqstan Respýblıkasynyń memlekettik qyzmeti týraly» zańy men ilespe qujat maquldanǵanyn jazǵanbyz.
