Memlekettik qyzmetke qabyldaǵanda lýdomanııa testileýinen ótkizýi múmkin be

ASTANA. KAZINFORM — Azamattardy memlekettik qyzmetke qabyldar aldynda qumar oıynǵa áýestiginiń bar-joǵyn tekserý engizilýi múmkin be? Bul saýaldyń jaýabyn Týrızm jáne sport vıtse-mınıstri Erjan Erkinbaevtan suraǵan edik. 

— Týrızm jáne sport mınıstrligi bul máseleni qarastyrǵan emes. Bul bizdiń quzyretke jatpaıdy, biraq protseske qatysýǵa daıynbyz. Memlekettik qyzmetkerlerdi qabyldaý, testileý máselesi basqa vedomstvoǵa qaraıdy, — dep qysqa qaıyrdy Erjan Erkinbaev Senat qabyrǵasynda ótken is-shara barysynda.

Osy oraıda spıker qumar oıynǵa áýestenýdiń arty jaqsylyqqa ákelmeıtinin taǵy aıtty.

— Tájirıbe kórsetkendeı, lýdomanııa jáne jalpy qumar oıyndarǵa júıeli túrde áýestený, adamnyń manıpýlıatsııaǵa beıim bolýyna ákelýi múmkin. Eger sen memlekettik qyzmetshi bolyp, belgili bir sala nemese aımaq boıynsha sheshim qabyldaıtyn bolsań, baısaldy jáne obektıvti bolýyń qajet. Memlekettik qyzmetshiler sanasynyń aıqyndyǵyn saqtap, túrli yqpal men manıpýlıatsııadan aýlaq bolý úshin qumar oıynnan alys bolýy kerek, — deıdi ol.

Aıta ketsek, elimizde 350 myń adam qumar oıyndy júıeli túrde oınaıdy. 

Buǵan deıin habarlaǵanymyzdaı elimizde qumar oıynǵa áýes memlekettik qyzmetkerlerdi avtomatty túrde anyqtaıtyn arnaıy júıe ázirlenip jatyr. 

Aıta keteıik, búgin Senattyń Áleýmettik-mádenı damý jáne ǵylym komıtetiniń depýtattary oıyn bıznesi jáne elimizde lotereıaǵa qatysty qabyldanǵan zańnamaǵa engizilgen ózgeristerdi iske asyrý barysyn talqylady.