Memlekettik qyzmet kórsetýde 45 myńnan astam zańbuzýshylyq anyqtaldy

Elimizde memlekettik qyzmet kórsetý salasyna monıtorıng jasaldy, dep habarlaıdyKazinform.  

«Qazir bizdiń agenttik memlekettik qyzmet alýshylardyń quqyǵyn qorǵaýǵa baǵyttalǵan aldyn alý sharalaryna basymdyq berip jatyr. Іs-sharalar qyzmet kórsetýshilerdiń zańǵa qaıshy áreketteriniń sebepteri men máseleni anyqtaýǵa baǵyttalǵan», - dedi QR Memlekettik qyzmet isteri agenttigi tóraǵasynyń orynbasary Salaýat Múksimov Ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, memlekettik qyzmet kórsetý salasynda 195 profılaktıkalyq is-shara ótti.

«45 myńnan astam zań buzýshylyq anyqtalyp, onyń 58%-y ákimdikterge tıesili bolyp otyr. Zańbuzýshylyqtardyń 51%-y memlekettik qyzmet kórsetýde merzimdi buzý (18,8%), artyq qujattardy talap etý (29,5%) jáne qyzmet kórsetýden negizsiz bas tartý (2,8%)», - deıdi ol.