Memlekettik keńesshi sybaılas jemqorlyqpen kúres jónindegi komıssııanyń otyrysyn ótkizdi
ASTANA. KAZINFORM - Memlekettik keńesshi Erlan Qarınniń tóraǵalyǵymen Qazaqstan Respýblıkasy Prezıdenti janyndaǵy Sybaılas jemqorlyqqa qarsy is-qımyl máseleleri jónindegi komıssııanyń otyrysy ótti, dep habarlaıdy Aqordanyń baspasóz qyzmeti.
Jıynda Kóleńkeli ekonomıkaǵa qarsy is-qımyl jónindegi is-sharalardyń 2023-2025 jyldarǵa arnalǵan keshendi josparyn júzege asyrý barysy qaraldy.
Otyrysta Keshendi jospardy júzege asyrýǵa qatysty qabyldanǵan sharalar týraly Qarjylyq monıtorıng agenttigi, Joǵary aýdıtorlyq palata, Strategııalyq josparlaý jáne reformalar agenttigi, Qarjy mınıstrligi basshylyǵynyń baıandamalary tyńdaldy.
Memlekettik keńesshi Keshendi jospardyń tıisti tarmaqtaryn sapaly oryndaýdyń mańyzdylyǵyna nazar aýdardy. Sondaı-aq kóleńkeli ekonomıkaǵa qarsy is-qımyl salasyndaǵy jańa baǵdarlamalyq qujattardy daıyndaý kezinde taldamalyq jumysty kúsheıtýdiń ózektiligine toqtaldy.
Komıssııa talqylaý qorytyndysyn eskere otyryp, naqty usynystar ázirledi. Memlekettik keńesshi Erlan Qarın birqatar naqty tapsyrma berdi. Tapsyrmalardyń oryndalý barysy baqylaýǵa alyndy.
Osyǵan deıin jemqorlyqqa qarsy is-qımyl agenttigi 60 adamdy izdestirip jatqany týraly jazdyq.