150 azamatqa «Bolashaq» halyqaralyq stıpendııasyn berý týraly sheshim qabyldandy
ASTANA. KAZINFORM - Memlekettik keńesshi Erlan Qarınniń tóraǵalyǵymen Shetelde kadrlar daıarlaý jónindegi respýblıkalyq komıssııanyń kezekti otyrysy ótti.
Otyrysta 150 azamatqa «Bolashaq» halyqaralyq stıpendııasyn berý týraly sheshim qabyldandy. Osy sheshimge sáıkes 120 stıpendıant magıstratýrada, 6 azamat doktorantýrada oqıdy. Al 24 stıpendıat álemniń ozyq ýnıversıtetteri men óndiris ortalyqtarynda taǵylymdamadan ótedi.yý
Komıssııa músheleri qazir basymdyq berilip otyrǵan mamandyqtarǵa erekshe nazar aýdardy. Tıisinshe stıpendıattardyń úshten ekisinen astamy jaratylystaný jáne tehnıkalyq baǵyttar boıynsha bilim alady.
Sonymen qatar 33 azamat álemdegi ozyq ǵylymı-zertteý ortalyqtarynda ǵylymı taǵylymdamadan ótýge grant aldy. Jıyn barysynda Erlan Qarın ǵylymı taǵylymdamadan ótetin úmitkerlerdi Memleket basshysynyń bıylǵy 2 qyrkúıekte jarııalaǵan Joldaýyndaǵy ustanymdarǵa sáıkes muqııat irikteý qajettigine toqtaldy. Sondyqtan ǵylymı taǵylymdamaǵa memleket úshin asa mańyzdy ári ekonomıkada joǵary suranysqa ıe mamandar ǵana jiberiledi.
Jıyn sońynda Memlekettik keńesshi Erlan Qarın «Bolashaq» halyqaralyq stıpendııasyn jáne ǵylymı taǵylymdamalar baǵdarlamasyn iske asyrý úderisterin odan ári jetildirý jóninde naqty tapsyrmalar berdi. Munyń bári elimizdiń ǵylymı áleýetin damytý jolynda mańyzdy ról atqaratynyn atap ótti.
