Memlekettik keńesshi óner salasyndaǵy memlekettik syılyq berý jónindegi komıssııa otyrysyn ótkizdi
ASTANA. KAZINFORM – Memlekettik keńesshi Erlan Qarınniń tóraǵalyǵymen Abaı atyndaǵy ádebıet pen óner salasyndaǵy memlekettik syılyǵyn berý jónindegi komıssııanyń qorytyndy otyrysy ótti. Bul týrala Aqordanyń baspasóz qyzmeti málim etti.
«Zııaly qaýym ókilderinen quralǵan komıssııa músheleri ádebıet, kıno, teatr, mýzyka, sáýlet jáne beıneleý óneri salalary boıynsha Memlekettik syılyqty berý jónindegi konkýrstyń ekinshi kezeńine ótken 21 jumysty qarady», — delingen habarlamada.
Mádenıet jáne aqparat mınıstri Aıda Balaeva ekinshi kezeńge ótken shyǵarmalardyń qoǵamda talqylaný barysy týraly baıandama jasady.
Komıssııa músheleri jasyryn daýys berý arqyly 2024 jylǵy Qazaqstan Respýblıkasynyń Abaı atyndaǵy ádebıet pen óner salasyndaǵy memlekettik syılyǵy laýreattyǵyna úmitkerlerdi anyqtady. Olar Memleket basshysynyń qaraýyna usynylady.
Memlekettik syılyq laýreattaryn marapattaý Respýblıka kúni qarsańynda ótedi.
