Memlekettik keńesshi konfessııaaralyq kelisimdi nyǵaıtý máselesine arnalǵan jıyn ótkizdi
ASTANA. KAZINFORM — Memlekettik keńesshi Erlan Qarın konfessııaaralyq kelisimdi nyǵaıtý máselesine arnalǵan jıyn ótkizdi. Basqosýǵa Prezıdent Ákimshiligi qurylymdyq bólimsheleriniń basshylary men ortalyq memlekettik organdardyń ókilderi qatysty. Bul týraly Aqorda málim etti.
Jıynda din salasyndaǵy ózekti máseleler, qoǵamda konfessııaaralyq kelisimdi nyǵaıtý jónindegi sharalar jáne dinı radıkalızmge qarsy is-qımylǵa qatysty máseleler qaraldy.
Memlekettik keńesshi din salasynda salıqaly saıasat júrgizý úshin muqııat oılastyrylǵan ustanym, keshendi ári júıeli sharalar qabyldaý jáne barlyq memlekettik organdardyń birlesip úılesimdi jumys isteýi qajet ekenin atap ótti.
Osy rette Erlan Qarın zańdardy saqtaýdyń, konfessııa salasyn ǵylymı turǵydan zerdeleýdiń jáne halyq arasynda aqparattyq-túsindirý jumystaryn júrgizýdiń mańyzdy ekenin aıtty.
Jıyn sońynda memlekettik organdarǵa qoǵamdyq-saıası turaqtylyqty nyǵaıtý úshin kúsh jumyldyryp áreket etýge baǵyttalǵan naqty tapsyrmalar berildi.
Eske sala keteıik, buǵan deıin Memlekettik keńesshi Erlan Qarınniń tóraǵalyǵymen shetelde kadrlar daıarlaý jónindegi respýblıkalyq komıssııanyń kezekti otyrysy ótken bolatyn.