Memlekettik keńesshi etnosaralyq kelisimdi nyǵaıtý máseleleri jóninde respýblıkalyq jıyn ótkizdi

ASTANA. KAZINFORM - Memlekettik keńesshi Erlan Qarın etnosaralyq kelisimdi nyǵaıtý máselelerine arnalǵan respýblıkalyq jıyn ótkizdi. Basqosýǵa Prezıdent Ákimshiligi qurylymdyq bólimsheleriniń basshylary, ortalyq memlekettik organdardyń ókilderi, sondaı-aq Almaty jáne Jambyl oblystarynyń ákimderi qatysty.

Keńeske qatysýshylar etnosaralyq qatynas salasyndaǵy turaqtylyqty nyǵaıtýǵa, azamattyq qoǵam ınstıtýttarymen ózara qarym-qatynasty jandandyrýǵa, memlekettik aqparat saıasatyn júrgizýge qatysty atqarylyp jatqan jumystar týraly baıandady. Sonymen qatar Memleket basshysynyń Qazaqstan halqyna Joldaýynda aıtylǵan «Zań men Tártip» ıdeologııasynyń qaǵıdalaryn júzege asyrý barysy týraly málimet berdi.

Jıyn sońynda Memlekettik keńesshi jaýapty memlekettik organdarǵa kelesi jyly etnosaralyq kelisimdi jáne el birligin qamtamasyz etý boıynsha júrgiziletin ishki saıası jumystardyń basym baǵyttaryna qatysty naqty tapsyrmalar berdi.

Osyǵan deıin Erlan Qarınniń jemqorlyqpen kúres boıynsha birqatar tapsyrma bergenin jazǵan edik.