Memlekettik keńesshi Erlan Qarın ıÝNESKO-nyń Bas dırektory Odre Azýlemen kezdesti

Qazaqstan Respýblıkasynyń Memlekettik keńesshisi Erlan Qarın ıÝNESKO Bas konferentsııasynyń 42-shi sessııasy aıasynda ıÝNESKO-nyń Bas dırektory Odre Azýlemen kezdesti, dep habarlaıdy Kazinform Aqordanyń resmı saıtyna silteme jasap.

Erlan Qarın ıÝNESKO basshysynyń bıylǵy maýsym aıynda elimizge resmı saparmen kelip, Memleket basshysy Qasym-Jomart Toqaevpen kezdesýi ózara tıimdi ekijaqty yntymaqtastyqty damytýǵa tyń serpin bergenin atap ótti.

Memlekettik keńesshi Qazaqstannyń osy uıymmen mádenı jáne tabıǵı muralardy qorǵaý salasynda yqpaldastyqty tereńdetýge múddeli ekenin jetkizdi. Jer júzinde klımat ózgerip jatqan kezeńde ıÝNESKO-nyń qoldaýymen Almatydaǵy Ortalyq Azııa aımaqtyq glıatsıologııalyq ortalyǵynyń dáıekti túrde júrgizip otyrǵan zertteýleriniń mán-maǵynasy zor.

Erlan Qarın ıÝNESKO basshysyna Uıymnyń Almaty qalasyndaǵy Klasterlik keńsesine Kópsalaly aımaqtyq keńse (Bıýro) mártebesin berý týraly sheshim qabyldaǵany úshin alǵys aıtty.

Odre Azýle Qazaqstanǵa jasaǵan saparyn erekshe yqylaspen eske alyp, Qazaqstan Respýblıkasynyń Prezıdenti Qasym-Jomart Toqaevtyń bastamasymen elimizde júrgizilip jatqan júıeli reformalarǵa, sonyń ishinde bilim, ǵylym jáne mádenıet salasyn damytýǵa baǵyttalǵan is-sharalarǵa joǵary baǵa berdi.