Erlan Qarın Qytaı Medıakorporatsııasynyń basshysy Shen Haısıýnmen kezdesti

ASTANA. KAZINFORM – Memlekettik keńesshi Qytaı Medıakorporatsııasynyń bas dırektory Shen Haısıýn bastaǵan delegatsııa ókilderimen kezdesti.

Erlan Qarın Prezıdent Qasym-Jomart Toqaevtyń bastamasymen júzege asyrylyp jatqan áleýettik-ekonomıkalyq, saıası jáne mádenı-gýmanıtarlyq reformalardyń mazmuny men mán-mańyzy týraly aıtty.

Sondaı-aq Memlekettik keńesshi Qazaqstannyń Qytaıdaǵy týrızm jylynyń mańyzdylyǵyna toqtaldy. Osyǵan baılanysty ol Týrızm jyly aıasynda qolǵa alynǵan is-sharalar týraly jan-jaqty aqparat taratqany úshin Shen Haısıýnge rızashylyq bildirip, CCTV-4 jáne CGTN telearnalaryndaǵy birqatar jobany atap ótti.

Óz kezeginde Shen Haısıýn qonaqjaılyq kórsetkeni úshin alǵys aıtyp, Shanhaı yntymaqtastyq uıymy sammıtiniń jáne QHR Tóraǵasy Sı Tszınpınniń memlekettik saparynyń joǵary deńgeıde uıymdastyrylǵanyna nazar aýdardy.

Kezdesý barysynda taraptar kóptegen máseleni talqylap, ekijaqty dıalogty ózara túsinistik pen yntymaqtastyq rýhynda jalǵastyrýǵa ýaǵdalasty.

Aıta keteıik, buǵan deıin QR Prezıdenti TRK jáne CMG Qazaqstan men Qytaı kóshbasshylarynyń qatysýymen memorandýmǵa qol qoıǵan bolatyn.