Memlekettik keńesshi Erlan Qarın Álııa Moldaǵulovanyń eskertkishine gúl shoǵyn qoıdy
ASTANA. KAZINFORM — Memlekettik keńesshi Erlan Qarın Uly Jeńistiń 80 jyldyǵyna arnalǵan jalpyulttyq is-sharalar aıasynda Keńes Odaǵynyń Batyry Álııa Moldaǵulovanyń eskertkishine gúl shoǵyn qoıdy. Bul týraly Aqorda málim etti.
Jıynǵa Ulttyq quryltaıdyń jáne Jastar saıasaty jónindegi keńestiń birqatar múshesi qatysty.
Bıyl elimiz Álııa Moldaǵulovanyń 100 jyldyq mereıtoıyn atap ótip jatyr.
Erlan Qarın saltanatty rásimde Prezıdent tapsyrmasyna sáıkes osynaý ataýly dataǵa oraı kóptegen is-shara josparlanǵanyn jetkizdi.
Atap aıtqanda, Uly Jeńistiń 80 jyldyǵyna jáne Álııa Moldaǵulovanyń 100 jyldyǵyna oraı jastar arasynda halyqaralyq «Aıbyn» áskerı-patrıottyq jıyny ótedi.
Sondaı-aq qazaqtyń qaısar qyzynyń ómir joly men eren erligin pash etetin derekti fılm túsirilip, kórmeler men sporttyq-mádenı is-sharalar uıymdastyrylady.
Álııa Moldaǵulova óskeleń urpaq úshin erlik pen janqııarlyqtyń úlgisi bolyp qala beredi.