Memlekettik keńesshi birqatar qoǵam qaıratkeri men shyǵarmashylyq ókilderine nagradalar tapsyrdy
ASTANA. KAZINFORM - Qazaqstan Respýblıkasynyń Prezıdenti Qasym-Jomart Toqaevtyń Jarlyǵymen birqatar qoǵam qaıratkeri men shyǵarmashylyq qaýym ókilderi elimizdiń saıası, áleýmettik-ekonomıkalyq damýyna qosqan eleýli úlesi men belsendi qoǵamdyq qyzmeti úshin memlekettik nagradalarǵa ıe boldy, dep habarlaıdy Aqordanyń baspasóz qyzmeti.
Respýblıka kúni qarsańynda Memlekettik keńesshi Erlan Qarın Ulttyq quryltaıdyń, Prezıdent janyndaǵy jastar saıasaty jónindegi keńestiń birqatar múshesine, shyǵarmashylyq qaýym ókilderine memlekettik nagradalar tapsyrdy.
ІI dárejeli «Barys» ordenimen Ulttyq quryltaıdyń múshesi, qoǵam qaıratkeri, ekonomıka ǵylymdarynyń doktory Orazaly Sábden, ІII dárejeli «Barys» ordenimen Q. Qýanyshbaev atyndaǵy Qazaq ulttyq mýzykalyq drama teatrynyń aktrısasy Leılo Beknazar marapattaldy.
«Parasat» ordeni akter, Qazaqstannyń eńbek sińirgen qaıratkeri Bekjan Turysqa, Qazaqstan Respýblıkasy Kásipodaqtar federatsııasynyń tóraǵasy Satybaldy Dáýletalınge, S. Asfendııarov atyndaǵy Qazaq ulttyq medıtsına ýnıversıtetiniń birinshi prorektory Dılıara Qaıdarovaǵa jáne M. Áýezov atyndaǵy Qazaq ulttyq drama teatrynyń akteri Berik Aıtjanovqa tapsyryldy.
«Alataý» dástúrli óner teatrynyń dırektory Maqsat Nuralıev, «Ahyska» túrik etnomádenı birlestiginiń qurmetti tóraǵasy Asker Pırıev, N. Sats atyndaǵy orys memlekettik akademııalyq balalar men jasóspirimder teatrynyń dırektory Irına Sımonova, jazýshy, jýrnalıst-pýblıtsıst Sáken Sybanbaı «Qurmet» ordeniniń ıegeri atandy.
Almaty oblysy Qoǵamdyq keńesiniń múshesi Qazybek Dáýitálıev, «Ádil sóz» sóz bostandyǵyn qorǵaý halyqaralyq qorynyń prezıdenti Qarlyǵash Jamanqulova, Apple Inc kompanııasynyń Ortalyq Azııa men Armenııadaǵy saıasat jáne memlekettik organdarmen baılanys bóliminiń basshysy Ádilhan Qopabaev, Eýrazııa tehnologııalyq ýnıversıtetiniń rektory Aıjan Temirbaeva, bilim salasy jónindegi sarapshy Ánýar Ońaıbekov «Eren eńbegi úshin» medalimen marapattaldy.
Aqyn Serikzat Dúısenǵazy, Qazaqstan Jazýshylar odaǵy Astana fılıalynyń dırektory Baýyrjan Óteýilıev, jyrshy, kúıshi Berik Júsipov, dástúrli ánshi Tolǵanbaı Sembaev, kınoprodıýser Quralaı Anarbekova, kompozıtor Qaırat Baekenov «Qazaqstannyń eńbek sińirgen qaıratkeri» qurmetti ataǵyna ıe boldy.
Erlan Qarın marapat ıelerin Respýblıka kúnimen quttyqtap, memlekettik nagradalar el azamattarynyń eńbektegi zor jetistikterine memleket pen qoǵam tarapynan berilgen bıik baǵa ekenin atap ótti.
Aıta keteıik, Respýblıka kúni qarsańynda Prezıdent bir top azamatty memlekettik nagradamen marapattady.