Erlan Qarın Baýyrjan Momyshulynyń eskertkishine gúl shoqtaryn qoıdy
ASTANA. KAZINFORM — Memlekettik keńesshi Erlan Qarın Jeńis kúnine oraı Halyq qaharmany, Keńes Odaǵynyń batyry, belgili qalamger Baýyrjan Momyshulynyń Astana qalasyndaǵy eskertkishine gúl shoqtaryn qoıdy, dep habarlaıdy Aqordanyń baspasóz qyzmeti.
Іs-sharaǵa Prezıdent janyndaǵy Jastar saıasaty jónindegi keńestiń músheleri de qatysty.
Rásim barysynda Memlekettik keńesshi batyrlardyń erligi halyq jadynda máńgi saqtalatynyn atap ótti.
Máselen, Memleket basshysynyń Ulttyq Quryltaıdyń Atyraý oblysynda ótken otyrysyndaǵy tapsyrmasyna sáıkes, 2024 jyly «Aıbyn» ordeniniń dárejelerine Saǵadat Nurmaǵambetovtiń, Baýyrjan Momyshulynyń, Raqymjan Qoshqarbaevtyń esimderi berildi.
Buǵan qosa Prezıdent Qasym-Jomart Toqaev 2025 jylǵy 24 jeltoqsanda Baýyrjan Momyshulynyń týǵanyna 115 jyl tolǵan kúni dańqty batyrǵa «Halyq Qaharmany» ataǵyn berý týraly Jarlyqqa qol qoıdy.
Baýyrjan Momyshulynyń jarqyn beınesi men eren erligi jas urpaq úshin qashanda úlgi-ónege. Al ómir joly — naǵyz jasampaz patrıotızmniń, ar-namystyń ári Otanǵa qyzmet etýdiń bıik shyńy.
Osydan buryn Oljas Bektenov, Máýlen Áshimbaev jáne Erlan Qoshanov «Otan Ana» monýmentine baryp, soǵys jyldarynda qurban bolǵandardy eske alǵanyn jazǵan edik.
