Memlekettik qaryzymyz 31,7 trln teńge — Mádı Tákıev

ASTANA. KAZINFORM — Elimizdiń memlekettik qaryzy 31,7 trln teńgeni quraıdy. Bul týraly Qarjy mınıstri Mádı Tákıev aıtty.

— Shyndyǵynda da bıýdjet tapshylyǵy 2,7 paıyzdy quraıdy. Eger teńgege shaqsaq, ótken jyly ol 3,7 trln teńge, al bıyl 4,4 trln teńge boldy. Tapshylyqtyń tómendeýi bizdiń syrtqy naryqtan az qaryz alatyndyǵymyzdy bildiredi. Bizdiń maqsatymyz — memlekettik qaryzdy qysqartý. Degenmen, onyń kólemi úlken de emes. Búginde 31,7 trln teńgeni quraıdy, — dedi Mádı Tákıev Parlament palatalarynyń birlesken otyrysynan keıin BAQ ókilderiniń saýalyna oraı.

Búgin Parlament palatalarynyń birlesken otyrysynda Úkimet jáne Joǵary aýdıtorlyq palatanyń 2024 jylǵy respýblıkalyq bıýdjettiń atqarylýy týraly esepteri bekitildi. 

Otyrys sońynda Premer-mınıstr Oljas Bektenov Úkimet óz jumysynda memleket múddelerin árdaıym birinshi orynǵa qoıatynyn aıtty.

— Úkimet jumysynda jetistikter de, qatelikter de bolady. Ómir bolǵannan keıin qateliksiz bolmaıdy. Biraq, eń basty aıtatynym, Úkimet óz jumysynda memleket múddelerin árdaıym birinshi orynǵa qoıady. Sondyqtan aldaǵy ýaqytta da ortaq jumysymyz jemisti bolsyn, — dedi Oljas Bektenov.