Memlekettik qaryz qaýipsiz deńgeıde – Qarjy mınıstrligi
ASTANA. KAZINFORM – Májiliste «2025-2027 jyldarǵa arnalǵan respýblıkalyq bıýdjet týraly» zań jobasynyń tanystyrylymynan keıingi baspasóz máslıhatynda QR Qarjy vıtse-mınıstri Abzal Beısenbekuly memlekettik qaryz qaýipsiz deńgeıde ekenin aıtty.
«Memlekettik qaryzdyń qazirgi deńgeıi qaýipsiz shamada turdy. Bizde Memlekettik qarjyny basqarý tujyrymdamasy bar jáne onda qaryzdy retteý boıynsha tıisti qadamdar eskerilgen. Eger osynda belgilengen mejeden asyp tússe, onda qaýip bolýy múmkin. Atap aıtqanda, qazirgi kórsetkishter qaýipsiz deńgeıde turǵanyn aıta alamyn», - dedi A. Beısenbekuly.
Budan buryn habarlanǵandaı, Úkimettik boryshqa qyzmet kórsetýge shyǵystar 2,5 trln teńge somasynda josparlanyp otyr.
Osyǵan deıin 2024 jylǵy 1 qańtardaǵy jaǵdaı boıynsha memlekettik borysh jalpy ishki ónimge shaqqanda 22,8 paıyzdy quraǵany aıtylǵan edi.
