Memlekettik grantta oqyǵan túlekterge qoıylatyn talaptar ózgerdi
ASTANA. KAZINFORM — Memlekettik bilim berý tapsyrysy negizinde bilim alǵan QR azamattaryn jumysqa jiberý, bıýdjetten jumsalǵan shyǵyndardy óteý, óz betinshe jumysqa ornalasý quqyǵyn berý, jumyspen óteý mindetinen bosatý nemese ony toqtatý qaǵıdalary ózgertildi. Tıisti buıryqqa QR Ǵylym jáne joǵary bilim mınıstri 2026 jylǵy 6 tamyzda qol qoıdy.
— Qazaqstan Respýblıkasynyń azamattary memlekettik bilim berý tapsyrysy negizinde avıatsııalyq mamandyqtar boıynsha bilim alǵan jaǵdaıda, joǵary jáne joǵary oqý ornynan keıingi bilim berý uıymdaryn aıaqtaǵannan keıin menshik nysanyna qaramastan uıymdarda keminde 5 jyl, al basqa mamandyqtar boıynsha keminde 3 jyl eńbek etýge mindetti, — delingen qujatta.
Sondaı-aq, memlekettik bilim berý tapsyrysy negizinde beıin boıynsha doktorantýrada bilim alǵan QR azamattaryna da talaptar bekitildi.
Olar oqý merzimi aıaqtalǵannan keıin, bilim berý uıymdarynda, ǵylymı uıymdarda, bilim berý baǵdarlamasynyń beıinine sáıkes keletin memlekettik organdarda jáne ózge de uıymdarda keminde 3 jyl eńbek etýge mindetteldi.
Buıryq 25 tamyzdan bastap qoldanysqa engiziledi.
Aıta keteıik, buǵan deıin magıstratýraǵa grant taǵaıyndaý konkýrsyna qatysý úshin qujat qabyldaý bastalǵanyn jazǵanbyz.
