Memlekettik grantqa ıe bolmaǵan talapkerlerge múmkindik: qansha qosymsha grant bólindi
ASTANA. KAZINFORM – Memlekettik grantqa ıe bolmadyńyz ba? Bul – múmkindikter aıaqtaldy degen sóz emes.
QR ǴJBM Ulttyq testileý ortalyǵy málimetinshe, elimizde bilim alýǵa múmkindik beretin qosymsha qoldaý túrleri bar:
2392 grant – jergilikti atqarýshy organdardan;
2 myńnan astam grant – qazaqstandyq joǵary oqý oryndarynan;
350 grant – «Qazaqstan halqyna» qorynan.
Budan bólek, KAZENERGY, «Qazatomónerkásip» jáne basqa da qorlar men kompanııalardyń bilim berý baǵdarlamalary bar.
Sonymen qatar ýnıversıtetter oqý aqysyna jeńildikter men ataýly stıpendııalar usynady.
Sondyqtan memlekettik grantqa túse almaǵan bolsańyz, múmkindikterdi muqııat zertteńiz: ýnıversıtetterge, ákimdikterge, qorlar men kompanııalarǵa habarlasyp, qosymsha granttarǵa ótinim berý talaptary men merzimin naqtylańyz.
– Bir nátıje sizdiń bolashaǵyńyzdy anyqtamaıdy. Eń bastysy – múmkindikti jiberip almaý! Sáttilik! – delingen habarlamada.
Qazaqstandyq JOO-lar talapkerlerge 2 myńnan astam qosymsha grant usynǵanyn jazǵan edik.
