Memlekettik bilim granty ıegerleriniń tizimi qashan jarııalanady
ASTANA. KAZINFORM — Memlekettik bilim berý granttary konkýrsynyń qorytyndysy men grant ıegerleriniń tizimi 10 tamyzǵa deıin jarııalanady.
Bul týraly QR Ǵylym jáne joǵary bilim mınıstrligi Joǵary jáne joǵary oqý ornynan keıingi bilim komıtetiniń tóraǵasy Gúlzat Jarasova Ortalyq kommýnıkatsııalar qyzmetinde ótken brıfıngte málimdedi.
Onyń aıtýynsha, memlekettik bilim berý granttary konkýrsyna qujat qabyldaý jalǵasyp jatyr.
— Qujattardy 20 shildeni qosa alǵanǵa deıin joǵary oqý oryndarynyń qabyldaý komıssııalary, onyń ishinde vırtýaldy qabyldaý komıssııalary nemese eGov.kz portaly arqyly tapsyrýǵa bolady. Konkýrsqa qatysý úshin jeke kýálik, UBT sertıfıkaty, bilim týraly qujat, fotosýret jáne qajet bolǵan jaǵdaıda jeńildik sanatyn rastaıtyn qujattar usynylady, — dedi komıtet tóraǵasy.
Eske salaıyq, bıylǵy negizgi UBT 10 mamyr men 10 shilde aralyǵynda ótti. Testileýge 233 myń talapker qatysyp, eki múmkindigin qosa eseptegende test 422 myń ret tapsyryldy.
