Memlekettik basqarý akademııasynyń rektory Erlan Ábil qyzmetinen bosatyldy
ASTANA. KAZINFORM – Memleket basshysynyń ókimimen Erlan Ábil Memlekettik basqarý akademııasynyń rektory laýazymynan bosatyldy. Bul týraly Aqordanyń baspasóz qyzmeti habarlady.
– Memleket basshysynyń ókimimen Erlan Qýanyshuly Ábil Qazaqstan Respýblıkasy Prezıdentiniń janyndaǵy Memlekettik basqarý akademııasynyń rektory laýazymynan bosatyldy, - dep jazylǵan habarlamada.
Erlan Qýanyshuly bul qyzmetke 2019 jyly 21 tamyzda Memleket basshysynyń ókimimen taǵaıyndalǵan bolatyn.
1973 jyly 18 qyrkúıekte Jezqazǵan qalasynda dúnıege kelgen.
1995 jyly Jezqazǵan taý-ken tehnologııalyq ınstıtýtyn bitirgen.
Ekonomıka ǵylymdarynyń kandıdaty.
Eńbek ótili:
- Jezqazǵan taý-ken tehnologııalyq ınstıtýtynyń «Ekonomıka jáne kásiporyndaǵy basqarý» kafedrasynyń assıstenti, Jezqazǵan q. (08.1995-11.1996);
- E.A. Bóketov atyndaǵy Qaraǵandy memlekettik ýnıversıtetiniń taǵylymger-zertteýshisi, Qaraǵandy q. (11.1996-12.1997);
- Ó.A. Baıqońyrov atyndaǵy Jezqazǵan ýnıversıtetiniń «Bıznes jáne kásiporyndaǵy menedjment» kafedrasynyń aǵa oqytýshysy, Jezqazǵan q. (12.1997-04.1999);
- Ó.A. Baıqońyrov atyndaǵy Jezqazǵan ýnıversıtetiniń «Bıznes jáne kásiporyndaǵy menedjment» kafedrasy meńgerýshisiniń orynbasary, Jezqazǵan q. (04.1999-02.2002);
- Ó.A. Baıqońyrov atyndaǵy Jezqazǵan ýnıversıtetiniń «Bıznes jáne kásiporyndaǵy menedjment» kafedrasynyń dotsenti, Jezqazǵan q. (02.2002-05.2002);
- Ó.A. Baıqońyrov atyndaǵy Jezqazǵan ýnıversıtetiniń «Bıznes jáne kásiporyndaǵy menedjment» kafedrasynyń meńgerýshisi, Jezqazǵan q. (05.2002-02.2006);
- Ó.A. Baıqońyrov atyndaǵy Jezqazǵan ýnıversıtetiniń «Ekonomıka jáne quqyq» ınstıtýtynyń dırektory, Jezqazǵan q. (02.2006-10.2006);
- QR Prezıdentiniń janyndaǵy Memlekettik basqarý akademııasy, Memlekettik jáne jergilikti basqarý ınstıtýtynyń «Ekonomıka jáne qarjy» kafedrasynyń dotsenti, Astana q. (10.2006-09.2012);
- QR Prezıdentiniń janyndaǵy Memlekettik basqarý akademııasy, Basqarý ınstıtýtynyń «Ekonomıkany memlekettik retteý» kafedrasy meńgerýshisiniń m.a., Astana q. (09.2012-07.2013);
- QR Prezıdentiniń janyndaǵy Memlekettik basqarý akademııasy, Basqarý ınstıtýtynyń «Ekonomıkany basqarý» kafedrasy meńgerýshisiniń m.a., Astana q. (07.2013-11.2016);
- QR Prezıdentiniń janyndaǵy Memlekettik basqarý akademııasy, Basqarý ınstıtýty dırektorynyń m.a., Astana q. (11.2016-01.2017);
- QR Prezıdentiniń janyndaǵy Memlekettik basqarý akademııasy, Basqarý ınstıtýtynyń dırektory, Astana q. (01.2017-08.2019);
- QR Prezıdentiniń janyndaǵy Memlekettik basqarý akademııasynyń rektory, Nur-Sultan q. (2019 jylǵy 21 tamyzdan bastap).
«Bilim berý isiniń qurmetti qyzmetkeri» tósbelgisi bar.
Brıtandyq PRINCE2® jobalardy basqarý ádisiniń, sondaı-aq jobalar, baǵdarlamalar jáne portfolıo menedjmenti salasyndaǵy QR ST ISO 21500/21503/21504 ulttyq standartynyń akkredıttelgen treneri.
«Eren eńbegi úshin» medalimen marapattaldy (2020).