Memlekettik basqarý akademııasynda Jańa Konstıtýtsııanyń jobasy talqylandy
ASTANA. KAZINFORM – Prezıdent janyndaǵy Memlekettik basqarý akademııasynda Jańa Konstıtýtsııanyń jobasy talqylandy. Іs-sharaǵa Memlekettik qyzmet isteri agenttiginiń tóraǵasy Darhan Jazyqbaı qatysty.
Talqylaýǵa Akademııanyń professorlyq-oqytýshylyq quramy, sarapshylar, ǵylymı jáne akademııalyq qaýymdastyq ókilderi qatysty.
Agenttik tóraǵasy jańa Konstıtýtsııa jobasynda elimizdiń tarıhı jáne mádenı qundylyqtary eskerilip, «Ádiletti Qazaqstan» ıdeıasyna, «Halyq únine qulaq asatyn memleket», «Adal azamat», «Zań jáne tártip» qaǵıdattaryna basymdyq berilgenin aıtty.
— Ata Zańnyń jańartylǵan jobasynda alǵash ret Qazaqstan Respýblıkasy adam kapıtalyn, bilimdi, ǵylymdy, ınnovatsııany damytý memleket qyzmetiniń strategııalyq baǵyty dep tanyldy. Bul — elimizdiń bolashaqtaǵy damýynyń basym baǵyttarynyń biri, — dep atap ótti Darhan Jazyqbaı.
Jıyn barysynda ekonomıka ǵylymdarynyń doktory, Akademııa professory Altaı Zeınelǵabdın, zań ǵylymdarynyń kandıdaty, professor, Akademııanyń Almaty oblysy boıynsha fılıalynyń dırektory Qazybek Daýtalıev jáne basqa da sarapshylar baıandama jasady.
Іs-shara sońynda qatysýshylar jańa Konstıtýtsııa jobasyn talqylaý quqyqtyq memleketti nyǵaıtýǵa baǵyttalǵan mańyzdy qadam ekenin atap ótti.
Aıta ketelik «Aýyl» partııasy jańa Konstıtýtsııa jobasyna tolyq qoldaý bildirgen edi.
