Jańa Konstıtýtsııa halyqty Táýelsizdik pen Egemendikti qorǵaýǵa mindetteıdi – Aıdos Sarym

ASTANA. KAZINFORM – Májilis depýtaty Aıdos Sarym «Referendým-2026» atty onlaın-marafonda jańa Konstıtýtsııadaǵy Táýelsizdik pen Egemendik uǵymdarynyń róline toqtaldy.

– Konstıtýtsııa jobasynda biz qos azamattyǵy bar adamdy Qazaqstan azamattyǵynan avtomatty túrde shyǵaramyz dep jazdyq. Ol ýnıtarlyqty qamtamasyz etetin norma. Biz ózimizdi Respýblıka, ýnıtarly respýblıka dep tanımyz. ıAǵnı, federatsııaǵa, konfederatsııaǵa, basqa da uǵymdarǵa jol bermeımiz degen sóz. Munyń ózi kóp nárse, - dedi ol.

Depýtattyń sózinshe, budan bylaı Qazaqstannyń Egemendigin saqtaý armııa men bıliktiń ǵana tikeleı mindeti bolmaıdy.

– Buryn halyq – bıliktiń qaınar kózi deıtin edik. Endi halyq tek bıliktiń qaınar kózi ǵana emes, egemendiktiń de tiregi, qorǵany dep belgiledik. Bul – úlken jańalyq. Óıtkeni jaýapkershilik tek qana bılikte, armııada, Parlamentte bolmaý kerek, Qazaqstandaǵy 21 mln halyq Táýelsizdik pen Egemendiktiń, memlekettik kepili, qorǵany. Biz osyǵan kele jatyrmyz jáne qamtamasyz etemiz, - dedi Májilis depýtaty. 

Aıta keteıik, Kazinform agenttiginiń YouTube arnasynda «Referendým-2026» atty onlaın-marafonyn tikeleı efırde kórsetip jatyr. Saǵat 12:00-de bastalǵan onlaın-marafon saǵat 18:00-ge deıin jalǵasady dep josparlanǵan.