Memlekettik baqylaý kúsheıtiletin basym taýar toby aıqyndaldy - Shaqqalıev
ASTANA. KAZINFORM – Pılottyq joba aıasynda qazaqstandyq irimshiktiń satylymy 7 paıyzǵa ósti. Bul týraly Úkimet otyrysynda Saýda jáne ıntegratsııa mınıstri Arman Shaqqalıev málim etti.
- Ulttyq taldaý ortalyǵymen birlesip, otandyq ónimdi ilgeriletý úshin tutynýshylyq marketıngtiń zamanaýı quraldary engizildi. Qazaqstandyq irimshikti ilgeriletý jónindegi pılottyq joba barlyq óńirde Magným, Anvar, Smoll sııaqty qyryq iri respýblıkalyq jáne óńirlik saýda jelisinde iske asyrylýyp jatyr. Pılottyq joba alǵashqy aıda nátıje berip, qazaqstandyq irimshiktiń satylymy 7 paıyzǵa ósti. Qazirgi ýaqytta pılottyq jobanyń aýqymyn keńeıtý úshin jańa taýar sanattarynyń tizbesi aıqyndalyp jatyr, - dedi A. Shaqqalıev.
Onyń aıtýynsha, otandyq óndiristi qoldaýdyń mańyzdy baǵyty - tehnıkalyq retteý júıesin jetildirý.
- Ahýaldyq shtabtyń jumysy kúsheıtildi. Barlyq baqylaý organdarynyń is-qımyly biriktirildi. Memlekettik baqylaý kúsheıtiletin 11 basym taýar toby aıqyndaldy. Jyl basynan beri shekarada shamamen 13 myń avtokólik birligi tekserildi. 13 myń ónim úlgisi boıynsha baqylaýǵa arnalǵan arnaıy satyp alýlary júrgizildi. Nátıjesinde, 1800 synama talaptarǵa sáıkes kelmedi, 1100-den astam sáıkestik sertıfıkaty joıyldy, - dedi mınıstr.
Buǵan deıin habarlanǵandaı, jarty jylda ishki taýar aınalymynyń kólemi 36,2 trln teńgeni qurady.
