Memlekettik baǵdarlamalar arqyly 196 myń adam jumysqa tartyldy
ASTANA. KAZINFORM — Eńbek jáne halyqty áleýmettik qorǵaý vıtse-mınıstri Asqar Bıahmetov QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda 2025 jyldyń birinshi jartyjyldyǵynyń qorytyndysy boıynsha halyqty jumyspen qamtýǵa járdemdesý sharalarynyń júzege asyrylýy týraly aıtty.
Asqar Bıahmetov QR Eńbek jáne halyqty áleýmettik qorǵaý mınıstrliginiń (budan ári – EHÁQM) qyzmetiniń negizgi baǵyttarynyń biri azamattardy nátıjeli jumyspen qamtamasyz etý bolyp tabylatynyn atap ótti.
QR Prezıdentiniń «Ádiletti Qazaqstan: bárimiz jáne árqaısymyz úshin. Qazir jáne árdaıym» saılaýaldy baǵdarlamasyna sáıkes 2022-2029 jyldar aralyǵynda 3,3 mıllıon adamdy jumyspen qamtý josparlanýda.
«2025 jyldyń birinshi jartyjyldyǵynyń qorytyndysy boıynsha Qazaqstanda 250 myń azamat jumysqa ornalassa, onyń 134 myńy turaqty jumysqa ornalasty. Ulttyq jobalar men salalyq tujyrymdamalar aıasynda 4,6 myńǵa jýyq azamat jumyspen qamtyldy. Memleket basshysynyń «10 myń adamǵa shaqqanda 100 jańa jumys orny» bastamasy aıasynda – shamamen 63 myń adam, jumys berýshiler usynǵan bos jumys oryndaryna – 67 myń adam, jumyspen qamtýǵa járdemdesýdiń belsendi sharalary aıasynda 116 myńnan astam adam jumysqa ornalasty», – dedi vıtse-mınıstr.
2025 jyldyń sońyna deıin óńirlik jumyspen qamtý kartalary aıasynda barlyǵy 480 myń adamdy jumysqa ornalastyrý josparlanýda. Mindetti zeınetaqy jarnalarynyń bolýyn tekserý arqyly EHÁQM aqparattyq júıeleri arqyly azamattardyń jumysqa ornalasýyna monıtorıng júrgizilýde.
2025 jyldyń birinshi jartyjyldyǵynyń qorytyndysy boıynsha jumyspen qamtýǵa járdemdesýdiń belsendi sharalaryna 196,8 myń azamat tartyldy.
48,1 myń adamǵa qysqa merzimdi kásiptik oqytý kýrstary uıymdastyryldy, onyń ishinde: bilim berý uıymdarynda – 1,8 myń adam, jumys berýshiniń jumys ornynda – 1,3 myń adam, Skills Enbek platformasynda onlaın oqytýmen 45 myń adam qamtyldy. Oqýdy barlyǵy 42,2 myń adam aıaqtady.
«Bastaý Bıznes» jobasy boıynsha kásipkerlik negizderine oqytýmen 30,8 myń adam qamtylyp, onyń 17,1 myńy sertıfıkat aldy.
Jeńildetilgen jumys oryndaryna 113,7 myń adam jumysqa ornalastyryldy, onyń ishinde: 81,2 myń adam qoǵamdyq jumystarǵa, 10,3 myń adam áleýmettik jumys oryndaryna, 7,9 myń adam jastar tájirıbesine, 1,5 myń adam «Alǵashqy jumys orny», 69 adam «Urpaqtar kelisimsharty», 12,8 myń adam «Kúmis jas» jobalary aıasynda.
Jumyspen qamtýǵa járdemdesý sharalarynyń taǵy bir baǵyty – azamattardyń kásipkerlik bastamalaryn qoldaý úshin halyqtyń áleýmettik osal sanattaryna memlekettik granttar berý.
«2025 jyly 9 myń grant berý josparlanýda. Ol eki kezeńmen júzege asyrylady. Bıylǵy jyldyń 1 shildesine deıin birinshi kezeń aıasynda 4 179 grant berildi. Barlyǵy 11,5 myńǵa jýyq ótinim qabyldandy.
Granttar jumyssyz mártebesindegi nemese 3 jyldan az jeke kásipker retinde tirkelgen jaǵdaıda beriledi. Qarajat qural-saımandardy, jabdyqtardy, janýarlardy satyp alýǵa, úı-jaılardy jalǵa alýǵa jáne bıznes jobalardy júzege asyrýǵa baılanysty basqa da qajettilikterge jumsalady», - dedi Asqar Bıahmetov.
Vıtse-mınıstr budan keıin jumyspen qamtý salasynda júzege asyrylyp jatqan tsıfrlyq jobalarǵa keńinen toqtaldy.
EHÁQM kadrlar qajettiligin taldaý men boljaýdy, sonymen qatar júzege asyrylyp jatqan barlyq jobalardyń tıimdiligin ýaqtyly baqylaýdy kózdeıtin «Jobalardyń ınnovatsııalyq navıgatory» platformasyn qurdy. Búgingi tańda júıe 2030 jylǵa qaraı 222,4 myń jumys ornyn qurý josparymen 1415 ınvestıtsııalyq jobany baqylaıdy.
«2025 jylǵy 1 shildedegi jaǵdaı boıynsha 274 joba iske qosyldy, 27 198 jańa jumys ornyn qurý josparlanýda. Іs júzinde 10 016 jumys orny ashyldy, al aǵymdaǵy jyldyń sońyna deıin 47 820 jańa jumys ornyn ashýmen taǵy 427 jobany iske qosý josparlanýda», – dep qosty Bıahmetov.
2024 jyldan bastap Elektrondyq eńbek bırjasynda TjKB jáne JOO stýdentteri úshin óndiristik tájirıbeden ótý ornyn tańdaýǵa múmkindik beretin fýnktsıonal engizildi. Stýdentter naqty daǵdylardy ıgerip qana qoımaı, keıinnen tájirıbeden ótken kásiporynda jumys taba alady.
2025 jyldyń 1 shildesindegi jaǵdaı boıynsha platformany paıdalanyp 3,7 myń stýdent tájirıbeden ótý oryndaryn tapty.
Mektep oqýshylaryna bolashaq mamandyǵyn tańdaýǵa múmkindik beretin «Mansap kompasy» platformasy engizildi. Platforma qazirdiń ózinde 744 suranysqa ıe mamandyqtar týraly aqparatty usynady.
Bul rette, Jumysshy mamandyqtary jyly aıasynda platformada jalpy bilim beretin mektepterdiń 7-11 synyp oqýshylarynyń kásibı dıagnostıkasynyń jańa fýnktsııasy júzege asyryldy.
«Oqýshynyń qyzyǵýshylyqtary men daǵdylarynyń ıkemdi beıini» kiriktirilgen dıagnostıkalyq quraly 2025 jyldyń naýryz aıynda lıngvıstıkalyq-mádenı beıimdelýden jáne psıhometrııalyq valıdatsııadan ótti. 7-11 synyp oqýshylaryn «Mansap kompasy» platformasynda kásiptik baǵdar berý jumystarymen qamtý 2025 jyldyń qyrkúıeginde bastalyp, kezeń-kezeńimen júzege asyrylatyn bolady. 7 964 mektepten 100 myń oqýshyny qamtý josparlanýda: qyrkúıekte – 40 myń; qazanda – 35 myń adam; qarashada – 25 myń adam», – dedi vıtse-mınıstr.
Aıta keteıik, múgedektigi bar 15 myńnan astam adam jumyspen qamtyldy.