Memlekettik aýdıtten keıin mınıstrliktiń jáne oǵan qarasty uıym ókilderi jaýapqa tartyldy
ASTANA. KAZINFORM – Densaýlyq saqtaý mınıstrligi men onyń vedomstvolyq baǵynysty uıymdarynyń birqatar laýazymdy tulǵalary memlekettik aýdıt nátıjesinde tártiptik jaýapkershilikke tartyldy. Osyǵan qatysty Joǵary aýdıtorlyq palatanyń tapsyrmasy boıynsha shara qabyldandy.
Bıyl Joǵary aýdıtorlyq palata Densaýlyq saqtaý mınıstrligi men oǵan qarasty uıymdardyń azamattardy jáne aýrýhanalardy dári-dármek pen medıtsınalyq buıymdarmen qamtamasyz etý jumysyn tekserdi. Anyqtalǵan buzýshylyqtar men kemshilikter negizinde Joǵary aýdıtorlyq palata tıisti laýazymdy tulǵalardy jaýapkershilikke tartýdy tapsyrdy.
Nátıjesinde myna tulǵalarǵa túrli tártiptik jazalar qoldanyldy:
QR DSM Dári-dármek saıasaty departamentiniń dırektory;
QR DSM Farmatsevtıkalyq jáne medıtsınalyq ónerkásipti damytý departamentiniń dırektory;
QR DSM Ǵylym jáne adamı resýrstar departamenti dırektorynyń orynbasary;
«Infektsııaǵa qarsy preparattardyń ǵylymı ortalyǵynyń» dırektory;
«Dárilik zattar men medıtsınalyq buıymdardy saraptaý ulttyq ortalyǵy» bas dırektorynyń orynbasary;
«Salıdat Qaıyrbekova atyndaǵy Ulttyq ǵylymı densaýlyq saqtaýdy damytý ortalyǵy» AQ basqarma tóraǵasynyń orynbasary.
Sondaı-aq bıyl 3 shildedegi buıryqpen «SK-Farmatsııa» JShS basqarma tóraǵasynyń ókilettigi merziminen buryn toqtatyldy.
Júrgizilgen memlekettik aýdıt qorytyndysy boıynsha Joǵary aýdıtorlyq palatanyń basqa da usynymdary men tapsyrmalaryn oryndaý jumystary jalǵasyp jatyr.
Aıta keteıik, Almaty oblysy boıynsha tekserý komıssııasy 2025 jyldyń 9 aıyndaǵy aýdıtorlyq qyzmetiniń negizgi qorytyndysyn jarııalady.