Memlekettik arhıvterge «Ulttyq» mártebe berý qaǵıdalary ózgerdi
ASTANA. KAZINFORM – Memleket basshysy Qasym-Jomart Toqaev memlekettik arhıvterge «Ulttyq» mártebe berý qaǵıdalaryna ózgertý engizetin Jarlyqqa qol qoıdy.
Qujatqa sáıkes, respýblıkalyq memlekettik arhıvterdiń, sondaı-aq astananyń, oblystardyń, respýblıkalyq mańyzy bar qalalardyń jergilikti atqarýshy organdarynyń basshylary arhıv isi jáne basqarýdy qujattamalyq qamtamasyz etý salasyndaǵy basshylyqty júzege asyratyn ýákiletti organǵa «Ulttyq» mártebe berý týraly ótinishhat beredi.
Ýákiletti organ ótinishhattyń qaraýǵa qabyldanǵany týraly habarlamany tıisti respýblıkalyq memlekettik arhıvke nemese astananyń, oblystyń, respýblıkalyq mańyzy bar qalanyń jergilikti atqarýshy organyna olar kelip túsken kúnnen bastap 3 jumys kúni ishinde jiberedi.
Anyq emes derekter usynylǵan jáne qujattar tizbesi tolyq usynylmaǵan kezde ótinishhat qaraýǵa qabyldanbaıdy jáne qaraýdan bas tartý sebepteri kórsetilip, kelip túsken kúnnen bastap 15 jumys kúni ishinde tıisti jergilikti atqarýshy organyna qaıtarylady.
Jarlyq 2027 jylǵy 1 qańtardan bastap qoldanysqa engiziledi
Buǵan deıin eki memlekettik arhıvke «Ulttyq» mártebe beriletinin jazǵan edik.
