Memlekettiń turaqty damýy jáne qoǵamdyq kelisim men beıbitshilik saıasaty el Prezıdenti N.Nazarbaevtyń atymen tikeleı baılanysty - U.Qarabalın
ANA. 29 jeltoqsan. QazAqparat /Marlan Jıembaı/ - Munaı óndirisiniń ǵalymdary men ınjenerııa baǵytyndaǵy mamandar Elbasy N.Nazarbaevtyń Prezıdenttik ókilettiligin uzartý jónindegi referendýmnyń ótýin qoldaıdy.
Bul týraly búgin elordada Elbasy N.Nazarbaevtyń ókilettigin 2020 jylǵy 6 jeltoqsanǵa deıin uzartý jóninde respýblıkalyq referendýmdy ótkizý bastamasyna arnalǵan mıtıngte «Qazaq munaı jáne gaz ınstıtýty» AQ-nyń bas dırektory Uzaqbaı Qarabalın aıtty.
«Bul eldiń bolashaǵy úshin qajet. Memlekettiń turaqty damýy jáne qoǵamdyq kelisim men beıbitshilik saıasaty el Prezıdenti Nursultan Ábishuly Nazarbaevtyń atymen tikeleı baılanysty. Jemisti reformalardyń nátıjeleri alynǵan baǵyttyń durystyǵyn aıqyndaıdy. Ult kóshbasshysynyń basshylyǵymen elimiz álemdik ekonomıkalyq daǵdarysty nyq eńserip shyqty. Bizder munaı óndirisiniń ǵalymdary men ınjenerııa baǵytyndaǵy mamandar bolyp, N.Nazarbaevtyń Prezıdenttigin memlekettiń keleshekte turaqty damýy úshin, elimizdiń álemdegi básekege qabilettiligin arttyrý úshin jáne qazaqstandyqtardyń ósip-órkendeýi úshin qajet ekendigine senimdimiz», - dedi ol.
Sondaı-aq ınstıtýt dırektory elimizdiń erteńgi kúnge degen senimi úshin Prezıdenttiń júrgizip kele jatqan saıasatynyń mańyna barsha qazaqstandyqtardy toptasýǵa úndedi. «Barsha Qazaqstan halqyn referendým bastamasyn qoldap, kóshbasshymyz N.Nazarbaevqa búkilulttyq qoldaý kórsetýge shaqyramyz», - dedi U.Qarabalın.
