Memlekettiń qoldaýymen 492 myń dana áleýmettik mańyzy bar kitap shyǵaryldy

NUR-SULTAN. QazAqparat – Ótken jyly el aýmaǵyndaǵy 49 tarıhı-mádenı nysanda qalpyna keltirý jumystary bastalǵan, dep habarlaıdy QazAqparat tilshisi.

QR Mádenıet jáne sport mınıstri Dáýren Abaev vedomstvonyń mádenıet, arhıv isi jáne baspa máselelerine arnalǵan keńeıtilgen alqa májilisinde memleket tarapynan tarıhı nysandarǵa qandaı qamqorlyq kórsetilip jatqanyn baıandady.

«Elimizdiń barlyq óńirinde 89 mádenıet nysanynyń qurylysy aıaqtalyp, 263 mádenıet nysany jóndeldi. Qaraǵandy oblysy Ulytaý aýdanynda «Joshy han» tarıhı-mádenı kesheniniń qurylysy aıaqtaldy.

«Saraıshyq», «Áziret Sultan», «Ordabasy» tarıhı-mádenı mýzeı-qoryqtary aýmaǵynda zamanaýı vızıt-ortalyqtardyń qurylysy bastaldy.

Qoja Ahmet ıAssaýı, Rábııa Sultan Begim, Esim han, Táýke han, Qylýet jerasty meshiti sııaqty tarıhı-mádenı muraǵa jatatyn 49 nysanda qalpyna keltirý jumystary júrgizildi.

Vedomstvo basshysy tarıh jáne mádenıet eskertkishterine ǵylymı-restavratsııalyq jumystardy baǵalaý normatıvin alǵash bekitkenin atap ótti.

«Táýelsizdiktiń 30 jyldyǵy aıasynda aýqymdy is-sharalar uıymdastyrylyp, ulttyq qoıylymdar joǵary deńgeıde ótkizildi.

Memleket qoldaýymen jalpy taralymy 492 myń dana bolatyn 168 áleýmettik mańyzy bar týyndy basyp shyǵaryldy», - dedi mınıstr.