Memlekettiń qoǵamdyq keńesterge qatysýy barynsha azaıdy – mınıstrlik
«Halyqtyń qoǵamdyq keńester qyzmetine degen senimin arttyrý maqsatynda qazirgi ýaqytta mınıstrlik olardyń qyzmetin jaqsartý boıynsha qajetti sharalar qabyldaýda. Qoǵamdyq keńesterdiń ekinshi quramynyń ókilettik merziminiń aıaqtalýyna baılanysty mınıstrlik qoǵamdyq keńesterdiń sapalyq quramyn ortalyq deńgeıde de, óńirlik deńgeıde de qaıta qaraý boıynsha belsendi jumys júrgizýde», - dep atap ótedi mınıstr.
Onyń atap ótýinshe, Qazaqstan Respýblıkasy Premer-Mınıstriniń orynbasary Eraly Toǵjanovtyń 2022 jylǵy 27 qańtardaǵy qoǵamdyq keńester quramyn sapaly jańartý týraly hattamalyq tapsyrmasyn oryndaý úshin ortalyq memlekettik organdarǵa, jergilikti memlekettik basqarý organdaryna syndarly oppozıtsııa ókilderin, ÚEU-ny, azamattyq belsendilerdi, jýrnalısterdi, blogerlerdi barynsha tartý týraly mınıstrliktiń usynymdary jiberildi.
«Osylaısha, jańartylǵan quramdardyń monıtorıngi memlekettiń birqatar qoǵamdyq keńesterge qatysýy barynsha azaıǵanyn kórsetedi. Mysaly, Soltústik Qazaqstan oblysynyń qoǵamdyq keńesteriniń quramdary, Pavlodar oblysynyń 5 óńiri tek azamattyq qoǵamnan turady. Tsıfrlyq damý, ınnovatsııalar jáne aeroǵarysh ónerkásibi mınıstrliginiń qoǵamdyq keńesiniń quramynda memlekettik organnyń qatysýy 8% ǵana quraıdy. Ekologııa, geologııa jáne tabıǵı resýrstar mınıstrliginde azamattyq qoǵamnyń araqatynasy memlekettiń araqatynasynan basym jáne ol 93% qurady. Qazirgi ýaqytta jańadan qurylǵan qoǵamdyq keńesterdiń sapalyq quramyna muqııat monıtorıng júrgizý jalǵasýda. Onyń qorytyndysy boıynsha keńesterdiń jańa múshelerin irikteý protsesinde oryn alǵan kemshilikterdi joıý úshin óńirlerge mınıstrliktiń usynymdary jiberiledi», - dedi Asqar Ýmarov.
