Memlekettiń ekonomıkadaǵy úlesin JÓІ-niń 14,4 paıyzyna deıin qysqartý kerek – Úkimet basshysy

ASTANA. QazAqparat – Memlekettiń ekonomıkadaǵy úlesin jalpy ishki ónimniń 14,4 paıyzyna deıin qysqartý kerek. Bul týraly búgin Úkimet otyrysynda Premer-Mınıstr Álıhan Smaıylov aıtty, dep habarlaıdy QazAqparat tilshisi.

«Ekonomıkalyq saıasattaǵy basymdyqtardyń biri – memlekettiń ekonomıkadaǵy úlesin birtindep azaıtý. Bul jumys keshendi jekeshelendirý jáne memleketke tán emes fýnktsııalardy básekeles ortaǵa berý arqyly júrgizilýi tıis. Biz memlekettiń ekonomıkadaǵy úlesin jalpy ishki ónimniń 14,4 paıyzyna deıin qysqartýymyz kerek», - dedi Premer-Mınıstr.

Álıhan Smaıylov jyl sońyna deıin Jekeshelendirýdiń keshendi josparynyń sapaly iske asyrylýyn qamtamasyz etý qajettigin basa aıtty.

«Jalpy bizden naqty ári úılesimdi jumys talap etiledi. Orynbasarlarym ózderi jetekshilik etetin salalar men memlekettik organdar boıynsha úılestirý men baqylaýdy qamtamasyz etsin», - dedi Úkimet basshysy.

Osyǵan deıin Úkimet basshysy Álıhan Smaıylovtyń memlekettik organdardyń birinshi basshylary ekonomıkany ártaraptandyrý jumystaryn kúsheıtýi qajetigin aıtqanyn jazdyq.