Memlekettiń ekonomıkadaǵy úlesin tómendetý jumysyn kúsheıtý qajet – Smaıylov

ASTANA. QazAqparat – Memlekettiń ekonomıkadaǵy úlesin tómendetý jumysyn kúsheıtý qajet. Bul týraly Úkimet otyrysynda Premer-Mınıstr Álıhan Smaıylov aıtty, dep habarlaıdy QazAqparat tilshisi.

«Memlekettiń ekonomıkadaǵy úlesin tómendetý jumysyn kúsheıtý qajet. Jekeshelendirýdiń keshendi jospary aıasyndaǵy is-sharalardy tıisti jol kartalaryna sáıkes buljytpaı oryndaý kerek. Sondaı-aq jekeshelendirý protsesiniń ashyqtyǵyn qamtamasyz etýge erekshe nazar aýdarý qajet», - dedi Úkimet basshysy.

Premer-Mınıstr ózekti máseleniń biri – bıýdjet esebinen qarjyldandyrýy qarastyrylǵan barlyq is-sharany ýaqytyly iske asyrý ekendigine basa nazar aýdardy.

«Sondyqtan bıýdjettik baǵdarlama ákimshileri jyldyń sońyna deıin qarajattyń sapaly ári tolyq ıgerilýin qamtamasyz etýi qajet. Bul úshin barlyq mınıstrler men ákimder tikeleı jaýapty bolady», - dedi Álıhan Smaıylov.