Memlekettiń din salasyndaǵy ustanymy qandaı - Mınıstrdiń jaýaby
"Biz resmı túrde jáne naqty jarııalaımyz: Memleket din nemese senimge qarsy emes. Biraq ony dáripteýmen de aınalyspaıdy. Din - meıirim shashýy kerek. Onyń paıdasyn dárimen salystyrýǵa bolady.
Negizi dári paıdaly bolady. Biraq ony durys emes nemese tym artyq qoldansa, odan paıda emes, zııan kelýi múmkin. Memleket dinı birlestikterdi óziniń senimdi seriktesi retinde kóredi. Sonymen birge din saıasılanyp, zańdardyń ornyn almaýy kerek", - dedi mınıstr Nurlan Ermekbaev vedomstvonyń keńeıtilgen alqa otyrysynda.
Sonymen birge, ol dinı biliktiliktiń tıisti tárbıemen jáne saıası saýattylyqpen súıemeldenip, syndardy kózqaraspen qabyldanýy kerektigin basa aıtty.
Aıta keteıik, elordada QR Din isteri jáne azamattyq qoǵam mınıstrliginiń keńeıtilgen alqa otyrysy ótip jatyr. Onda vedomstvo basshysy Nurlan Ermekbaev 2017 jyly atqarǵan jumystardy qorytyndylap, 2018 jylǵa josparlanǵan mindetter týraly baıandama jasady.
