Memlekettiń bıznes isine aralasýy kelmeske ketedi - Rýslan Jeldibaı
«Búgin Prezıdent elimizdiń iri kásipkerlerimen kezdesti. Jıyn barysynda Memleket basshysy aldaǵy ýaqytta bıznestiń jumysyn jeńildetýge baǵyttalǵan is-sharalar týraly aıtty. Olar shaǵyn, orta jáne iri bıznesti de qamtıdy.
Sondaı-aq naryqtaǵy negizgi ustanymdardy eske saldy. Memlekettiń bıznes isine aralasýy kelmeske ketedi. Monopolııaǵa jol berilmeıdi. Eshbir kásipkerge basymdyq berilmeıdi. Úkimettegi, basqa jerdegi jeke baılanystar kómektespeıdi. Ádiletti Qazaqstanda tek adal bızneske jaǵdaı jasalady.
Jalpy, búgingi kezdesýdiń negizgi maqsaty – iri bıznes ókilderine halyqtyń aldyndaǵy áleýmettik jaýapkershilik týraly taǵy bir eskertý. ıAǵnı, bıznes-qoǵamdastyq elge qajet mektepter, balabaqshalar, irgeli ýnıversıtetter salýda, týrızmdi damytýda belsendi túrde óz úlesterin qosýy tıis», - dedi Rýslan Jeldibaı.
Eske salsaq, Prezıdent Qasym-Jomart Toqaev «Aqorda» rezıdentsııasynda elimizdiń bıznes-qoǵamdastyǵy ókilderimen kezdesý ótkizdi.Foto: akorda.kz